ShVL-UÇK, thirrje për vetëmbrojtje

nga **Agim Gashi** Sat Mar 10, 2012 8:51 pm

ShVL-UÇK, thirrje për vetëmbrojtje

Pas incidentit të rrahjes së nxënësve shqiptarë në Shkup, kryetari i Shoqatës së Veteranëve të Luftës së ish UÇK-së, Fazli Veliu kërkon intervenim politik ndërkombëtar dhe mbarëkombëtar dhe vetëmbrojtje gjithkund ku rrezikohet rinia shqiptare.

“Popull shqiptar – Rini dinjitoze! 2012-ta, viti i fillimit të shënimit të 30 vjetorit të LPK-së, 100 vjetorit të pavarësisë dhe përqendrimit të mbarë kombit tonë drejt proceseve të BE-së e NATO-s, po përgjaket nga antishqiptarët e dëshmuar gjatë të gjitha periudhave! Duke i ditur veprimet e tyre dyfytyrëshe, në këtë kohë të turbullt, jemi të detyruar që: Të njoftojmë dhe kërkojmë intervenim politik e juridik ndërkombëtar e mbarëkombëtar, Të vetëmbrohemi kudo që të rrezikohet rinia jonë …! Veprimtarinë tonë të gjithanshme kombëtare e kemi të mandatuar nga UÇK, të mbrojtur nga SHVL e UÇK-së”, thuhet në reagimin me shkrim të Fazli Veliut, kryetar i SHVL-UÇK-së.

Ndaj incidenteve të fundit nëpër autobusë lokalë ka reaguar dhe delegacioni i BE-së, me thirrje për qetësimin e gjendjes së krijuar ditëve të fundit. Duke shprehur keqardhje për incidentet, delegacioni i BE-së bën thirrje që të mos keqpërdoren incidentet.

“Jemi të informuar për incidentet që ndodhën gjatë 24 orëve të fundit. E shprehim keqardhjen tonë për të plagosurit dhe familjet e tyre. Nga deklarata e ministres Gordana Jankullovska kuptuam se në vijim është hetimi policor. Sërish u bëjmë thirrje të gjithë faktorëve që t’i qetësojnë ndjenjat dhe të mos i keqpërdorin këto incidente fatkeqe”.

Incidentet i ka dënuar edhe misioni i OSBE-së në Maqedoni.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30