Berisha: Rikthejmë parqet ku Rama të cicërojë gjithë ditën

nga **Agim Gashi** Sun Mar 11, 2012 7:31 pm

Berisha: Rikthejmë parqet ku Rama të cicërojë gjithë ditën

Kryeministri Berisha ka vizituar sot Muzeun Kombëtar ku është njohur nga afër me dy projektet për zgjatimin e bulevardit dhe lumin e Tiranës.

Shefi i qeverisë i shoqëruar edhe nga kryebashkiaku Lulzim Basha ka marrë informacionet më të detajuara në lidhje me dy projektet, ku njëri prej tyre pritet të marrë miratimin e qytetarëve për të nisur ndërtimin e Bulevardit të Tiranës.

Ndërsa ka vlerësuar punën e bërë nga Bashkia e Tiranës për kryeqytetin, kryeministri Berisha sulmoi edhe ish-kreun e bashkisë Edi Rama që sipas tij gjatë 8 vjetëve në këtë institucion e betonizoi kryeqytetin.
“Ky ekip i ri që qytetarët votuan në një hark kohor të shkurtër me një përkushtim ia dolën të sjellin këtë zhvillim madhor dhe u deshën gjithsej disa muaj dhe nuk u deshën 8 vjet. Dhe kjo jo sepse Tirana nuk kishte urbansitë, arkitektë, jo kishte shumë, por sepse babëzia boshtëzoi gjithçka tek betoni dhe leja e ndërtimit. Kjo është e vërteta. Leje pas leje, beton pas betoni Tirana u shndërrua në një qytet që po humbiste frymëmarrjen e saj. Sot ne të gjithë e shohim një dimension i cili i lejon Tiranës atë gjelbërim që ka tek Kodrat e Liqenit. Komplesi nga kodrat e Liqenit tek kodrat e Paskuqanit do të jetë nga më të bukurit, më të gjelbëruarit, më funksionalit. Bulevardi, lumi dhe parqet do të jetë një projekt, i cili do të realizohet në një kohë më të shkrtër ndërsa pjesët e tjera do të marrin zhvilimin e vet”, ka theksuar më tej Berisha.

Kreu i qeverisë e ka mbyllur fjalimin e tij me një batutë për kreun e opozitës Edi Rama : “Nderim për qytetarët e Tiranës të cilët më 8 maj u ndanë nga blloku dhe bllokimi, u ndanë tani ish-kryetari Rama. Tani ish-kryetari do të ketë parqe të panumërta të bëjë ciu-ciu nga mëngjesi deri në darkë. Tani edhe në moshë dixhitale e sollëm”

Gjithashtu në fjalën e tij kryeministri Berisha theksoi se ky proces me projekte është i një rëndësie historike dhe jetike për Tiranën. “Ky proces është i një rëndësie historike, i një rëndësie jetike për Tiranën dhe qytetarët e saj, por edhe për të gjithë shqiptarët pasi për ta Tirana është zemra, ëndrra më e bukur e shqiptarëve që në vitet e para të jetës së tyre. Shfytëzoj rastin të përshëndes bashkinë, kryetarin e saj, të gjithë ata që në një kohë rekord bënë që të zbarkojnë këtu studiot urbanistike ndër më të njohurat e botës dhe të vijnë këtu me projekte në të cilat problem më kryesor është vështirësia e përzgjedhjes” ka theksuar Berisha.
Sipas kryeministrit, urbanistë të reputacionit botëror kanë dhënë përgjigjet më të shkëlqyera, më të qëndrueshme me planin e tyre të ri, me projektin e tyre për Tiranën e shekullit të 21.
Kryeministri Berisha tha se ‘Tirana moderne u projektua si Tirana evropiane. Tek këto projekte shohim Tiranën e shekullit XXI”.

Projektet që prej ditës së djeshme janë të ekspozuara për të gjithë qytetarët e Tiranës, të cilët nëpërmjet një formulari do të mund të shprehin të gjitha vërejtjet, sugjerimit apo pyetjet që mund të kenë në adresë të këtyre projekteve.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30