ADEM ZAPLLUZHA - BURGOSJA E NJË POPULLI

nga **Agim Gashi** Thu May 03, 2012 8:36 pm

ADEM ZAPLLUZHA - BURGOSJA E NJË POPULLI

Zotërinj nuk jam gjykatës
Por një poet i moshuar
Nga flokët e të cilit
Si shtreza
Këputen thinjat e flokëve

Akoma jam duke pritur
Që ta zhburgosni pafajësinë
A kanë ndërgjegje
Kodet e juaja
Që mbajnë nëpër çelit e Hagës
Një luftëtarë të madh
I cili më shumë se jetën
Dhe dashurinë
E deshi lirinë
Nuk latë asgjë pa prangosur
zotërinj
asgjë
mbase keni harruar
se liria askurrë nuk prangoset
askurrë zotërinj

2.

Zotërinj
Ju akuzoj
Në emër të lirisë së robëruar
Që sot
E kush e di se sa vite
Jeni duke mbajtur në burg
Një popull të tërë

Dje në Prishtinë
Komandant çeliku Fatmir
I shqeu kodet e padrejtësisë
Dhe sot fluturon
Ballëhapur
Ky burrë syshqiponjë
Nëpër qiellin e lirë të Kosovës

3.

Ju akuzoj
Të gjithë jeni të akuzuar
Në emër të lirisë
Hyjit dhe të drejtësisë

Zhburgoseni ndërgjegjen e fjetur
Nëpër çelit e urrejtjes
Se për ndryshe
Sërish qohet peshë djemuria

Çfarë faji pat gjenerali im
Që rri i burgosur
Për teket e sëmurëve psikik
Çfarë faji pat
Gjenerali
Ramush Haradinaj
Çfarë faji pat
Zotërinj

4.

Zotërinj
Nëse është liria krim
atëherë
Burgoseni tërë një popull
Edhe kërthinjtë në barqet e nënave
Djepat
Që përkundin burra
Ku mësojnë ta duan atdheun

Të nderuar
Nuk ka krim me të madh
Se sa ta burgosni pafajësinë
E njeriut
Që aq shumë
E deshi lirinë

Ecjet e juaja të rënda
Me veladon të zinj
Ma përkujton inkuizicionin
Inkuizicionin
Zotërinj

5.
Çfarë faji patëm
Na keni akuzuar
Dhe po na akuzoni
pse e deshëm
Dhe e duam lirinë

Zotërinj gjykatës
Po dridhen e rrëqethen
Muret e mykura Hagës
Ju akuzojnë edhe kërpudhat zotërinj
Edhe kërpudhat

Biri im
Do ngadhënjej mbi ndërgjegjen
E fjetur të Evropës
Ju deshët apo nuk deshët
Ai pret në rrjetin e merimangës
Së drejtësisë
Me urtësi po aq edhe krenar
T’i puthi
Fëmijët e tij në ballë

6.

Zotërinj
Unë poeti i moshuar
Nuk i njoh kodet e Juaja
Por prej tyre më janë thinjur
Dhe këputur
Fijet e flokëve
Duke pritur me padurim
Shfajësimin e gjeneralit tim
Ramush Haradinaj
Shfajësimin e gjeneralit tonë
zotërinj
shfajësimin

Marr nga libri me poezi “Eca ecëm dhe do ecim”

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30