Zgjedhja e Presidentit , Nano takohet sot me kryeministrin Berisha

nga **Agim Gashi** Thu May 10, 2012 1:18 pm

Zgjedhja e Presidentit , Nano takohet sot me kryeministrin Berisha

Ish-lideri i të majtëve Fatos Nano pritet të takojë sot kryeministrin Sali Berisha për t’i prezantuar këtij të fundit platformën e tij, për të qënë presidenti i ri i vendit. Berisha e pret sot ne zyren e kryeministrise paraardhesin e tij, Fatos Nano, pretendent per postin e Presidentit. Per Nanon ky eshte takimi permbylles me kreret e partive parlamentare, per te mos fshehur rendesine e madhe te diskutimit me liderin Berisha. Ai do ti prezantojë Berishës platformën e tij për të garantuar mbështetjen për mandatin e kreut të shtetit.

Ky takim pritet të jetë vendimtar për z Nano sepse nëse siguron mbështetjen e z Berisha, ai është afrohet shumë pranë karriges së Presidentit.

Fatos Nano ka shpallur së fundmi, kandidaturën e tij për të qënë kreu i ri i shtetit, ndërsa prej javësh ka nisur takimet për të marrë mbështetjen e të gjitha palëve politike.

Ai ka takuar deri më tani Kreun e PS-së Edi Rama, kreun e LSI-së Ilir Meta, Vangjel Dulen e PBDNJ-së, Shpëtim Idrizin e PDIU-së si dhe Kreun e republikanëve Fatmir Mediun. Nano gjithashtu është takuar edhe me ambasadorin e SHBA-ve për t’i kërkuar atij mbështetjen që të jetë i zgjedhuri, me konsensusin e të gjitha palëve.

Vetëm një ditë më parë Kryeministri Sali Berisha deklaroi se do të prononcohet dhe do të angazhohet direkt në zgjedhjen e Presidentit vetëm pasi të kthehet nga Samiti i Çikagos. Kjo nënkupton datën 22 maj e prapa kur në fakt edhe korrespondon afati i përcaktuar në Kushtetutë për nisjen e procedurave të zgjedhjes së Presidentit të ri.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30