Viktoria Xhako: FALENDERIM PUBLIK

nga **Agim Gashi** Sun May 13, 2012 5:50 pm

Viktoria Xhako: FALENDERIM PUBLIK

Më sollën në Tiranë për të më shpëtuar jetën nga një gjendje e rëndë depresive, e cila precipitoi keq.

Zbrita në Rinas mjaft e dëshpëruar. Besoja se dikush do më priste. M’u afrua taksisti, më mori valixhen e rëndë dhe u nisëm drejt Tiranës për në hotel. Udhëtoja dhe qaja.

Dikush e mori valixhen e rëndë dhe e ngjiti në katin e tretë, ku ishte dhoma ime e rezervuar. I gjithë shërbimi në hotel Miniri u tregua në lartësi humane. Më krijuan kushte speciale për përdorimin e kompjuterit, pa rezerva.

I telefonova Landës, shoqes sime të fëmijërisë. Ajo la pas dore gjithçka të sajën dhe u muar me sistemimin tim në vazhdim. Solli pranë meje edhe shoqet e saj për të më frymëzuar pak optimizëm.

Në të njëjtën kohë mora kontakt me Dashin, shoqen tjetër të fëmijërisë, e cila u ngrit nga shtrati, e sëmurë, dhe nuk m’u nda gjer sot. Nuk do më ndahet gjersa të largohem. Shërbimet që më ka bërë Dashi, kurajoja që më ka dhënë janë të pallogaritshme.

Vajza e bukur e Gramshit fisnik, Jonida, më dha dorën, pa më njohur, në një çast mjaft kritik.

Nxënësi im i mrekullueshëm, Kujtim Stojku, me shpirt të madh e të thellë sa deti, me zemër të artë e fjalë inkurajimi, më dha ndihmën e tij, njëlloj si të ishte djali im. Kujtimi vuri në dispozicionin tim edhe miqtë e tij.

Rolandi, shoku im i gjimnazit, erdhi nga një qytet tjetër, më ofroi mbështetjen dhe ndihmën e tij, të cilat do t’i çojë edhe më tej.

Unë ndihem sot më mirë, falë përzemërsisë së gjithë këtyre njerëzve të panjohur e të njohur. Tirana ime, dashuria ime e përjetshme më priti ngrohtësisht.

Të gjithë i falenderoj me shpirt, u jam mirënjohëse e do t’u jem gjer në frymën time të fundit!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30