Mejreme Gjocaj:BASHKIM KOMBETAR

nga **Agim Gashi** Wed May 16, 2012 3:31 pm

RROFTE KOMBI SHQIPETAR

Kërkesa e bashkimit të kombit është ligjore, drejtësi, dinjitet e sovranitet kombëtar, i barabartë me ata në BE e OKB. Shteti shqiptar i bëri pronarë tokash pakicën greke, por paradoksi është se nuk kërkohet kthimi i çamëve në vatrat e veta etnike. Ne jemi atdhetarë e mëmëdhetarë dhe jo nacionalistë, siç u pëlqen të na akuzojnë antishqiptaristët. Shqiptarët duhet të rizgjohen e jo te këmbët, në vend të qëndresës atdhetare, të luftojnë kundër fyerjeve nga kushdo, të ngrihen në protesta publike kundër kameleonëve dhe rrufjanëve politikë, mos presim të na trajtojnë si çobani dhëntë e dhitë. Mos çarmatosemi kur fqinjët tanë armatosen. Të kalitim vullnetin atdhetar për bashkim kombëtar, se shumica e shqiptarëve e do si sytë e vet.
Jo shpërfilljes së asnjë pëllëmbe etnike të banuar nga shumica dërmuese nga shqiptarë! Poshtë bëmat tona politike kundëratdhetare e kozmopolite. Integrimi nuk është nënshtrimi. Ndërgjegjësimi është detyra e parë atdhetare, pastaj organizimi e veprimi me dinjitet atdhetar. Demokracia nuk është përgjumje, por liri e pavarësi e të drejtave njerëzore. Shqipëria, Kosova e shqiptarët kudo në shtetet fqinjë duhet të bëjnë bisedime parimore për zgjidhje parimore politike, ekonomike, etnike. Pa marrëdhënie fqinjësie të ndërsjellta nuk ka miqësi e integrim të vërtetë, pa zgjidhur problemet dypalëshe s’ka paqe mes popujve.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30