ELEZ BIBERAJ ME RASTIN E DEKORIMIT: FALËNDERIM DHE MIRËNJOHJE TË THELLË PRESIDENTIT TOPI

nga **Agim Gashi** Fri May 18, 2012 8:49 pm

ELEZ BIBERAJ ME RASTIN E DEKORIMIT: FALËNDERIM DHE MIRËNJOHJE TË THELLË PRESIDENTIT TOPI

Falenderoj përzemërsisht Presidentin Topi për këtë vlerësim. Jam perpjekur me aq mundësi sa kam patur të japë ndihmesen time modeste per sensibilizimin e opinionit publik në Shtetet e Bashkuara mbi çeshtjen shqiptare, për nxitjen e demokratizimit të shoqërisë shqiptare, dhe për thellimin e marrdhënieve shqiptaro-amerikane. Këtë angazhim e kam ndërmarrë me përkushtim të plotë dhe me një dashuri të pakufizuar për kombin tim të mrekullueshëm. Jam i vetëdijshëm se janë me dhjetra dhe qindra shqiptarë të tjerë jashtë Atdheut, te cilet kanë dhenë nje ndihmesë më të madhe dhe kanë merita më të madhe se unë. Prandaj, ndjej një dëtyrim moral që të theksoj publikisht se këtë vlerësim e ndaj me shumë shqiptaro-amerikanë të tjerë. Në qoftë se kam arritur diçka në jeten time profesionale, kjo i kushtohet edhe mbeshtetjes së pakushtezuar që kam gëzuar nga familja ime dhe nga shume miq e kolege. Me këtë rast falenderoj përzemërsisht rrethin tim familjar, dhe veçanerisht prinderit e mi të ndjerë, të cilët me kanë frymëzuar me një dashuri te jashtëzakonshme për Atdheun tonë të dashur. Deshiroj të falenderoj edhe kolegët e mi të Zërit të Amerikës si dhe ekspertet e shquar të çështjeve shqiptare me të cilët kam bashkëpunuar për një kohë shumë të gjatë. Ndihem jashtëzakonisht i nderuar nga ky vlerësim dhe e falenderoj Presidentin Topi me mirënjohje të thellë.
]

www.voal-online.ch

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30