Berisha në Elbasan, homazhe për viktimat e aksidentit

nga **Agim Gashi** Tue May 22, 2012 7:56 pm

Berisha në Elbasan, homazhe për viktimat e aksidentit

Qyteti në lot dhe zi për viktimat, homazhet në hollin e Universitetit
Berisha homazhe në universitetin “Aleksandër Xhuvani”
Kryeministri Sali Berisha me lot në sy i shprehu ngushëllimet më të sinqerta familjarëve . “Ishte një tragjedi dhe zi e madhe, e cila kur je jashtë të vjen edhe dy herë më e rëndë”. Ishin këto fjalët e para të kryeministrit Berisha pas daljes nga holli i Universitetit “Aleksandër Xhuvani” kiu ai së bashku m3e bashëkshorten e tij Liri Berisha kryen homazhe në nder të viktimave të aksidentit tragjik.
“U shpreh ngushëllimet e mia të sinqerta dhe solidaritetin tim njerëzor të gjithë prindërve që u ndanë dje nga jeta në nja nga aksidentet më tragjike që Shqipëria ka njohur në shumë e shumë vite”- vijoi më tej kryeministri.
Ndërkaq ai i shprehu ngushëllimet e thella edhe shokëve e shoqeve të viktimave, stafit pedagogjik të Elbasanit, qytetit dhe qytetarëve të Elbasanit për këtë dramë të madhe që përjetuam , për ndarjen nga jeta e vajzave të këtij universiteti, të cilat siç tha ia ishin nisur për të shijuar bukuritë e vendit të tyre.
“Uroj që shpirti i tyre të gjejë paqqen e merituar familjarët e prindërit të gjejnë forcë për të përballuar këtë dhimbje të tmerrshme e të rëndë “- u shpreh Berisha teksa i garantoi ata që do bëjë gjithçka, që plagët e tyre të mbyllen sa më mirë.

Basha në Elbasan, ngushëllon familjen e Erjola Xhoit
Kryetari i Bashkisë së Tiranës Lulzim Basha i ka shprehur ngushëllimet familjes së Erjola Xhoit në Elbasan, ndërsa u ka uruar shërim të shpejtë të plagosurave të aksidentit tragjik.
“Një ngjarje tragjike, që ka prekur çdo qytetar”- u shpreh Basha, ndërsa kreu edhe homazhe në Universitetin “Aleksandër Xhuvani”.
Basha ngushëlloi edhe kryetarin e Bashkisë së Elbasanit dhe shprehu solidaritetin e qytetarëve të Tiranës me ata të Elbasanit.
“ Qytetarët e Tiranës ndajnë sot dhimbjen me qytetarët e Elbasanit”- deklaroi Basha, i cili kia qenë edhe deputet i këtij qarku.

Topalli homazhe në Elbasan
Kryeparlamentarja Jozefina Topalli zhvilloi homazhe në nder të viktimave të aksidenti tragjik të Himarës. Ajo shprehu dhimbjen dhe solidaritetin për familjarët e viktimave në emër edhe të Kuvendit të Shqipërisë dhe tha se sytë e tyre kishin shpresë.
“I japim sot lamtumirën studenteve. Që sot ato do të shikojnë nga lart”- ub shpreh Kryeparlamentarja, teksa ndau me familjarët dhimbjen e madhe për viktimat.
Homazhe në universitetin e Elbasanit janë kryer edhe nga ministra të tjerë të kabinetit, nga kreu i LSI-së Ilir Meta, nga kreu i opozitës Edi Rama, nga ambasadorët e akredituar në Tiranë dhe kryetarë të komuniteteve fetare në vend.

Qyteti në lot dhe zi për viktimat
Elbasani është gdhirë sot i hidhëruar nga dhimbja e madhe që ka pllakosur pas aksidentit të ndodhur një ditë më parë në Himarë. Familjet e studenteve që humbën jetën janë bërë gati për mort, ndërkohë gjatë gjithë natës së kaluar studentë të Universitetit të Elbasanit kanë pritur kthimin e shoqeve dhe shokëve të tyre nga ekspedita. Pjesa tjetër e studentëve është kthyer rreth orës tre të mëngjesit. Ka qenë një skenë vërtet prekëse pasi një pjesë e tyre mungonte tashmë në apel.
Në respekt të studentëve të tij, rektorati i universitetit të Elbasanit organizoi homazhe në hollin e korpusit qendror. Të shumtë ishin qytetarët që morën pjesë në këto homazhe.
Trupat e pa jetë janë tërhequr nga familjarët të cilët kanë preferuar që të organizojnë ceremonitë mortore në familjet e tyre. Ndaj komisioni i homazheve të rektoratit të UE i organizoi homazhet me fotografitë e studentëve.
Rektori i universitetit Aleksandër Xhuvani, profesor Liman Varoshi ka ndjekur në mënyrë të drejtëpërdrejtë të gjithë dinamikën e kësaj ngjarje të rëndë. Pas kthimit nga Vlora ai ka zhvilluar një takim me dekanët dhe profesoratin për të organizuar homazhet në nderim të studentëve.
I gjithë Elbasani është solidarizuar për të lehtësuar sa më shumë pasojat dhe dhimbjet e kësaj ngjarje të rëndë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30