Aksidenti tragjik në Himarë, qeveria një minutë heshtje për viktimat

nga **Agim Gashi** Wed May 23, 2012 4:06 pm

Aksidenti tragjik në Himarë, qeveria një minutë heshtje për viktimat

Berisha: Rregulla të reja për transportin e organizuar të studentëve
Ky ishte një nga aksidentët më tragjik në historinë e vendit. Ki ishte konstatimi i ardhur nga kryeministri, Sali Berisha gjatë mbledhjes së qeverisë, ku kërkoi nga kabineti qeveritar të mbajë një minutë heshtje në nderim të 13 viktimave të këtij aksidenti. Ndërkohë që dhe pjesëmarrja në Samitin e Çikagos dhe hartimi i reformës zgjedhore ishin pjesë e flas së kryeministri Berisha në këtë mbledhje qeverie.

Berisha: Ky ishte një aksident tragjik
“Ngushëllimet më të thella, solidaritetin më të lart, familjeve të viktimave të këtij aksidenti tragjik. Të lutemi që ata të gjejnë forcën për të përballuar dhimbjen e madhe e të rëndë të shkaktuar nga humbja e jetës së vajzave të tyre. Urojmë shërim të shpejtë dhe të plotë të plagosurve dhe të traumatizuarve nga ky aksident dhe garantajomë që qeveria do bëjë gjithçka në shërimin e tyre”, vuri në dukje Berisha, lidhur me aksidentin ë rënë të ndohur dy ditë më parë në Himarë.
Ndërkohë që kreu i qeverisë ndalur në një ngjarjë tronditëse nuk mund të mos bënte dhe një sërë falënderimesh. “Falënderoj në emër të qeverisë të gjithë ata gra e burra të rinj që me përkushtim të jashtëzakonshëm në dhënien e ndihmës së shpejtë, banorët e Himarës për reagimin e tyre njerëzor shumë të shpejtë, të cilët në fakt kanë qenë e rëndësishme në ecurinë e mëtejshme të shëndetit të personave të traumatizuarve. Falenderime për ekpinin e mjekëve të të gjitha spitaleve që u angazhuan plotësisht mbi këtë ngjarje, ekipet e helikopterëve që funksionuan në një mënyrë të shkëlqyr, qytetarët e shumtë që dhuruan gjak”, u shpreh Berisha.
Ndërkaq, nisur nga fakti se aktualisht po hetohet mbi këtë aksident, kreu i ekzekutivit kërkoi që ky hetim të jetë i gjithanshëm dhe i plotë. Por naga ana tjetër, sipas tij, është e domosdoshme që të meren masa të reja dhe të posaçme për mënjanimin e aksidenteve të tilla.
“Aksidenti nën hetim dhe një hetim i gjithanshëm duhet të behët. Është e parakohshme të flitet për të, por ministritë e linjës duhet të merren me gjithë këtë problematike. Ne kemi rregulla të caktuara për udhëtimet e nxenësve apo studentëve në shumë autobuza, por pas përfundimit të hetimeve të plota të aksidenti me tragjik në historinë e vendit, të nxiren të gjitha përfundimet në mënyrë që transporti i organizuar i nxënësve dhe studentëve të ketë kushte dhe rregulla të veçanta, të përcaktohen qartë detyrimet dhe respektimi i tyre”, deklaroi Berisha, sa i takon një çështje të tillë.
Në gjykimin e Kryeministrit, është detyrë e të gjitha institucioneve që ta studiojmë rastin konkret për të dhe hartuar rregula që ndikojnë pozitivisht në parandalimin e tyre.
Sipas tij, ministritë dhe agjensitë duhet të marrim masat për parandalimin e të tilla aksidenteve.

Samiti, Shqipëria në Afganistan sipas rregullave të NATO
Një tjetër çështje e trajtuar nga Kryeministri Berisha në mbledhjen e qeverisë ishte dhe pjesëmarrja e tij në Samitin e Çikagos, ku sqaroi lidhur me evurinë e zhvillimeve në këtë samit.
“Në Samitin e Çikagos, i drejtuar nga Obama e Rassmusen u diskutuam disa çështja madhore si çështjet e aftësive dhe kapaciteteve të aleancës në kushtet e krizës globale dhe mbrojtja e inteligjencës. U diskutua dhe u vendos për mbrojtjen antirakete, u diskutua gjerësisht mbi Afganistanin, dorëzimi nga ana e NATO-s të çështjeve të sigurisë qeverisë afgane dhe projektet për mbështetur këtë vend, në mënyrë të vendosur, për të ndërtuar dhe konsolidojë ekonominë e lire sistemin demokratik”, u shpreh Berisha.
Njëkohësisht Berisha vuri në dukje dhe mikpritjen e shkëlqyr të presidentit Obama dhe qeverisë. Ndërkohë që në darkën e shtruar në nder të liderëve nga ana e presidentit Obama, kryeministri berisha informoi se gjatë fjalës së tij mbajtur në këtë darkë ka shprehur “vendosmërinë e Shqipërisë për të mbështetur aleancën dhe për të qëndruar në Afganistan për aq kohë sa NATO do të qëndrojë atje”. Madje, në këtë kontekst, Berisha garantoi dhe ndihmën në fushën e arsimit për Afganistanin, duke i kërkuar Ministrisë së Arsimit që të akrodojë 100 bursa për afganët.
Po kështu, sipas tij, në dokumentat e samitit ka një pasazh të tërë për rajonin, vlerësimet pozitive për zhvillimet në të, sikundër sanksionohet dialogu i Kosovës me Serbinë, perspektiva e qartë euroatlantike e rajonit, të cilat në vlerësimin e Kryeministrit janë një inkurajim i madh për të gjitha vendet e rajonit.
Gjithashtu, gjatë pjesëmarrjes në këtë samit, kreu i ekzekutivit bëri me dije ka zhvilluar biseda të veçanta me Merkel, Obamën, me Hollande, i cili tregoi interes për zhvillimet në vend, me Cameron, Montin, Barroso, si dhe me liderë të rajonit.

Berisha: Reforma zgjedhore në respektim të rekomandimeve të OSBE/ODIHR
Duke folur mbi aktualitetit politik, kur reforma zgjedhore dhe ajo parlamentare ende janë pezull, Kryeministri shprehu dhe një herë qendrimin se rekomandimet e OSBE/ODIHR-it janë më të favorshmet për opozitën, qeverinë dhe shqiptarët. Kryeministri tha se duhet respektuar rekomandimi për numërimin elektronik me projekt pilot, por shprehu dhe një herë qendrimin kategorik kundër hapjes së të gjitha materialeve zgjedhore bazuar mbi dyshime dhe jo fakte, ndërkohë që i gjithë ky proces pretendohet të bazohet mbi vullnetin e dy personave.
Sipas tij, ky do të ishte kërcënim i madh për zgjedhjet.
“Që dy vetë të kenë në dorë gjithçka për materialin zgjedhor është kërcënimi më i madh që mund t'i bëhet procesit zgjedhor. Në një kohë që nuk ka rekomandim që të merret vendim më katër vota, ka një të tillë për dy vota. Kujt i intereson kjo, po kanë të drejtë që çdo material do të hapet. Por nëse kjo e drejtë u jepet dy përfaqësueve politikë atëherë zgjedhjet nuk janë të qytetarëve por të partive”, vuri në dukje Kryeministri Berisha.
Lidhur me zgjedhjen e kreut të ri të shtetit procedura për të cilën nis të enjten, kreu i ekzekutivit nuk dhe asnjë qëndrim, bazuar mbi atë që ka theksuar prej javësh se gjithçka do të ndodhë vetëm kur të nisë procesi kushtetues i zgjedhjes së Presidentit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30