Berisha:Jo president përmes pazaresh. Rama kërkon rrëzimin e qeverisë

nga **Agim Gashi** Mon May 28, 2012 3:40 pm

Berisha:Jo president përmes pazaresh. Rama kërkon rrëzimin e qeverisë

Kryeministri Berisha deklaroi sot se mazhoranca nuk do të pranojë një president të dalë nga pazaret politikë por një personalitet me kredenciale të larta dhe të besuar nga shqiptarët. Duke folur në mbledhjen e grupit parlamentar të PD-së, kryeministri Berisha theksoi se presidenti i ri do të dalë pas konsultimeve me aleatët.

“Në takimet me aleatët u konsiderua shumë e rëndësishme për vendin të përzgjidhet në postin më të lartë të shtetit një person me kredenciale të larta, brenda dhe jashtë vendit. Dua ta them, person që shkëput të gjitha lidhjet me partinë nga e cila do të jetë. Natyrisht edhe me pronat dhe problemet e tjera, për sa kohë ai është President i Republikës. I mbyll disa dosje dhe qëndron në skeptrin e kreut dinjitoz të shtetit shqiptar. Me një orientim të qartë euroatlantik, me atdhetarizëm të padiskutueshëm, pra preokupimi ynë dhe i aleatëve është t’i japim vendit jo një president pazaresh, një produkt të pazareve, por një personalitet të besuar nga shqiptarët” tha Berisha.

Kryeministri Berisha rikujtoi sot se PD-ja ka në marrëveshje me LSI-në për zgjedhjen e Presidentit të ri. “Dua t`ju rikujtoj se në marrëveshjen e datës 2 shtator të vitit 2009 në faqen 3 të kësaj marrëveshje thuhet: Zgjedhja e presidentit të republikës do të bëhet mbi bazën e konsensusit midis PD-së dhe LSI-së. Ky është përcaktimi kontraktual midis dy forcave kryesore të koalicionit qeverisës" shtoi ai.

Ai ka akuzuar kryesocialistin Rama se po përdor argumentin e rrëzimit të qeverisë për të mos marrë pjesë në zgjedhjen e presidentit. “Në vend të përgjigjes me shkrim, Rama nisi editorialin e rradhës në të cilin betohet solemnisht se do rrëzojë qeverinë me çdo kusht. Përfaqësusit tanë faktuan që Rama do ta përdor procesin e zgjedhjes së presidentit në funksion të editorialit që shkroi, ose të rrëzimit të qeverisë por që nuk ia del dot por edhe të bllokimit të statusit dhe kjo është filozofia e neo-bllokmenëve” shtoi Berisha.

Kryeministri Berisha gjithashtu e ka cilësuar kërkesën e kreut të PS-së Edi Rama për një takim me të si një kërkesë për bllokim të reformave. “Kërkesa për takim e ka për bllokim dhe jo për zhbllokim. Rama thotë që të takohemi njëherë se e zgjidhim ne të dy. Si mund ta zgjidhin ne. Ne kemi njerëzit tanë që e njohin fushën, duhet ta zgjidhin ata sepse ata e dinë më mirë këtë çështje . Ne duhet t`i japim atyre mundëisnë që ta zgjidhin këtë çështje” shtoi Berisha.

Duke iu referuar propozimeve të djeshme të socialistëve në tryezë, kryeministri Berisha tha se reformat në vend janë bllokuar në 2 pika më të cilat Rama, sipas Berishës, dënon ose do të shkatërrojë zgjedhjet. “Elektronika: ODIHR si beson komisionerëve të PS dhe vendos sistemin e atillë, i cili sipas ODIHR nuk mund të instalohet pa u praktikuar 24 – 36 muaj. Sepse kërcënon zgjedhjet me defektet që mund të pësojë”, deklaroi ai.

Kryeministri Berisha gjithashtu ka theksuar se kërkesa për heqjen e imunitetit është një deklaratë hipokrizie nga kryetari i PS. “Ramën nuk e lejojnë bosët që të prekë imunitetin. Ai një axhendë e bën me faktorin ndërkombëtar dhe një e bën me milionerët e tu. I bëj apel Ramës që në interesin më të mirë të vendit le të angazhohemi për një president të besueshëm”, tha kryeministri.

Në fund të deklaratës së tij, kryeministri Berisha i ka bërë sërish apel kryetarit të PS-së Edi Rama që të bashkëpunojë me mazhorancën për t`i dhënë sipas tij një president të besueshëm. “I bëj apel Ramës në intëeresin më të mirë të vendit të angazhohemi për ti dhënë shqipërisë një president të besueshëm, i cili u fakton shqiptarëve se di të qëndojë mbi forcat politike, që me frymën e respektimit të kushtetutës të faktohet si një president simbol i unitetit të shqiptarëve. Të jetë një avokat i fortë i interesave kombëtare kudo që shkon. Oferta ime dhe e koalicionit është shumë i sinqetë dhe ne jemi të gatshëm të angazhohemi seriozisht por jo me kushte meskine dhe ultimatume vetëm e vetëm për të bllokuar” shtoi Berisha.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30