GDN-ja të hënën paralajmëron fundin e mbikqyrjes së Pavarësisë

nga **Agim Gashi** Sun Jul 01, 2012 6:41 pm

GDN-ja të hënën paralajmëron fundin e mbikqyrjes së Pavarësisë

Grupi Drejtues Ndërkombëtarë do të publikojë ditën e hënë lajmin se deri në shtator do të përfundojë mbikëqyrja e pavarësisë së Kosovës.

Mbikëqyrja e pavarësisë së Kosovës do të ndodhë, pavarësisht se Pakoja e Ahtisaar-it ende nuk është zbatuar plotësisht, sepse në veriun e Kosovës ende nuk funksionojnë shumica e institucioneve të Kosovës.

Vendet që e kanë njohur Kosovën, nga Vjena pritet të deklarojnë se Kosova i ka përmbushur shumicën e kritereve ndërkombëtare për të funksionuar si shtet pa mbikëqyrjen.

Këto vende do të kërkojnë nga zyrtarët kosovarë përmbushjen edhe të obligimeve tjera, që kanë të bëjnë me kornizën ligjore, zbatimin e Pakos së Ahtisaar-it, respektimin e të drejtave të minoriteteve dhe luftimin e krimit dhe korrupsionit.

“Takimi i Grupit Drejtues Ndërkombëtar të Zyrës Civile Ndërkombëtare në Kosovë në nivel të drejtorëve për Ballkanin Perëndimor të Ministrive të Punëve të Jashtme do të mbahet të hënën më 2 korrik 2012, në Ministrinë Federale për Marrëdhënie Evropiane dhe Ndërkombëtare në Vjenë”, ka theksuar ICO-ja.

Në Austri do të jenë edhe Kryeministri Hashim Thaçi, Ministri i Jashtëm, Enver Hoxhaj dhe zyrtarë të tjerë të institucioneve shtetërore të Kosovës.

Deri në vjeshtë institucionet e Kosovës do të duhet t`i miratojnë ligjet dhe të ndryshojnë Kushtetutën në ato nene që kanë të bëjnë me kompetencat e ndërkombëtareve në Kosovë.

Qeveria dhe Kuvendi janë zotuar për përmbushjen e kritereve që kërkohen nga GDN-ja. Kurse opozita ka theksuar se përmbyllja e mbikëqyrjes po keqpërdoret nga pushteti për përfitime politike.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30