Komuniteti shqiptar forcon marrëdhëniet me politikanë amerikanë

Komuniteti shqiptar forcon marrëdhëniet me politikanë amerikanë

Beqir Sina, BOTA SOT
Veprimtarët e Vatrës vizituan zyrën e Senatorit amerikan Charles E. Schumer




Visner, Pirce, Mori e Shugart me udhëheqësit e “Vatrës”

Drejtuesi të komunitetit shqiptaro-amerikan, po punojnë intensivisht në drejtim të integrimit të shqiptaro-amerikanëve në jetën politike amerikane. Federata Pan-Shqiptare ‘Vatra’ ka qënë në krye të këtyre përpjekjeve. Presidenti i Vatra, Agim Karagjozi dhe anëtari i bordit Sejdi Husenaj deklaruan për gazetën kombëtare “Bota sot”:
-Duhet të bëjmë çdo gjë që është në dorën tonë me qëllim dhënien e impulseve në integrimin e shqiptaro-amerikanëve në sistemin politik amerikan dhe nga ana tjetër të punojmë me liderët politikë amerikanë, duke ua bërë të qartë fuqinë e votës së shqiptarëve.”
Ndërmjet këtyre aktiviteve bien në sy përpjekjet e vazhdueshme të Vatrës në mbështeje të iniciativave që do të bëjnë të mundur një njohje sa më të mirë të komunitetit shqiptar si dhe marrëdhëniet e tij me politikanë dhe zyrtarë amerikanë. Disa ditë më parë Sejdi Husenaj, Majlinda Myrto dhe Kastriot Gramshi u takua me përfaqësues së zyrës së senatorit të shtetit të New York-ut, senatorit Chuck Schumer.
Në këtë takim Majlinda Myrto, profesoreshë e Performaces Manaxheriale në Metropolitan College të New York-ut dhe një ndër drejtuesit e rinj e më të njohur të Federatës Pan-Shqiptare ‘Vatra’, vuri në dukje rolin e madh që shqiptarët luajnë në shtetin e New York. Në këtë takim Prof. Myrto, theksoj që aty ndodhen rreth çerek milioni shqiptar, shumica prej tyre edhe pse shtetas, nuk përdorin fuqinë e tyre siç duhet. Tashmë ata e kuptojnë nevojën e një bashkëpunimi më të mirë me politikanët amerikanë, ndër të cilët dhe me senatorin Schumer, I cili është i njohur tek shqiptarët si një mbështetes i fortë, çështjes së Kosovës. Mirëpo, në çështjet e brendeshme (ato amerikane) senatori demokrat Charles Schumer ka ngritur zërin në Capitol Hill duke i kushtuar rëndësi programeve sociale në edukim, infrastrukturë, ndihmën sociale, çështje të cilat shqetsojnë shqiptaro-amerikanët, tha ajo për “Bota sot”.
Në këtë takim nënvizoi, Myrto marrëdhëniet shumë të mira që ekzistojnë ndermjet shqiptaro-amerikanëve dhe komuniteteve të tjera etnike në shtetin e New York-ut. Ajo u fokusua gjithashtu në rolin e rëndësishëm që luajtën shqiptarët në shpëtimin e të gjithë hebrejve të cilët jetuan në Shqipëri gjatë Luftës II botërore. Ajo shpjegoi se sa e angazhuar ka qënë Vatra dhe ajo personalisht në çështje të tilla.
Philip Goldfeder, drejtor i Mardhënieve Ndërqeveritare, theksoi rolin e rëndësishëm që shqiptaro-amerikanët kanë në skenën politike e sociale të shtetit të New York-ut. Ai nënvizoi që shumë shqiptaro-amerikanë si Prof. Myrto, kanë arritur të përparojnë dhe integrohen shumë mirë në jetën amerikane. Ai gjithashtu theksoi se senatori amerikan Charles E. Schumer (D-NY) është shprehur: "Shqiptaro-amerikanët tashmë luajn një rol pozitiv të padiskutueshëm në jetën e New York-t. Unë parashoh të ndërtoj dhe zgjeroj mardhëniet e mia me shqiptaro-amerikanët, të tregoj kujdes dhe ndërmarrë veprime për çështje të cilat janë të rëndësishme për komunitetin.”