Bekim Rexhepi: Si na hyri nga dritarja dhe jo nga dera?

nga **Agim Gashi** Tue Apr 21, 2009 11:07 am

Bekim Rexhepi

SI NA HYRI NGA DRITARJA DHE JO NGA DERA?Tadiqi mund të mos lejohej të hynte në Kosovë, sikur njëmend Kosova të ishte e pavarur dhe sovrane. “Pavarësia” dhe “sovranitet” i një vendi nuk mund të sprovohen me një vizitë lutjesh, madje paçka se ambienti, ku u broçkollit për Kosovën-Serbi, nuk del jashtë ëndrrave e besimit formal

Nga Bekim REXHEPI
bekimbeu@hotmail.com

Vizita e Tadiqit mund të shfrytëzohet për tendosje të brendshme, pavarësisht kostos dhe pavarësisht asaj mbizotërueses se tash kush po tregohet më verbalist se tjetri, në lidhje më këtë çështje të vizitave serbe në Kosovë, të cilat vizita gjithësesi po tentojnë ta vëjnë në provë mospavarësinë, mossovranitetin e saj.
Nuk themi se nuk i lejohet ta bëjnë këtë tendosje, sepse edhe tendosja në politikë ka një atmosferë ndryshe, madje para se ta bëjnë këtë tendosje ndryshe, duhet ta kenë parasysh se çfarë po bëjnë: një tendosje e pluhurit të fjetur, veçse mund të ndërrojë pozicionet brenda atij komoditeti të krijuar prej kohësh. Pra, ky pluhur i fjetur prej kohësh, kur tendoset dhe fillon të qarkullojë pa dëshirën e njërit apo të tjetrit, shkakton kollitje të dëmshme, ndoshta konstatimi ynë mund të mos jetë i përshtatshëm, por arrijmë të sugjerojmë se kollitja para sëmundjes nuk tregon vërtetësinë e shëndetit tonë.
Tadiqi mund të mos lejohej të hynte ne Kosovë, sikur njëmend Kosova të ishte e pavarur dhe sovrane. “Pavarësia” dhe “sovranitet” i një vendi nuk mund të sprovohen me një vizitë lutjesh, madje paçka se ambienti, ku u broçkollit për Kosovën-Serbi, nuk del jashtë ëndrrave e besimit formal. Dikush që arrinë të kuptojë pozitën aktuale të Kosovës, se sa është në të vërtetë e pavarur dhe sovrane Kosova, brenda shtetësisë se vet, nuk i shkakton çudinë e jashtëzakontë, sepse kjo sjellje politike atij ndryshe do t’i duket se po mbrapshtohet gjithçka.

Nën klimën e vizitave

Këtë javë ishim nën klimën e vizitave: Thaqi ishte për vizitë në Slloveni, dhe pritja e tij nga shteti slloven qe një pritje më e kompletuar dhe me pamje më serioze, megjithëse u premtua që do të ketë ndihma ekonomike për Kosovën nga Sllovenia, një vend ky që kishte dhe vazhdon të tregojë interesim më të dukshëm se sa ish bashkësitë e tjera federale. Pra, kjo vizita e Thaqit në Slloveni, ishte një lajm i mirë për opinionin e brendshëm kosovar, i cili menjëherë pësoi edhe lajmin e keq, duke e parë se si u fut Tadiqi sërish në Kosovë.

A i tradhtoi KFOR-i, shqiptarët?

Një pyetje e qëlluar apo e nxituar... Hyrjen e Tadiqit jo nga dera por nga dritarja, e bëri qe vizita e tij të duket fare tinëzare dhe mjaftë artikuluese. Pse tinëzare dhe pse artikuluese?. Tinëzare, sepse t’i hysh dikujt nga dritarja dhe jo nga dera, vetvetiu tregon gjestin e tij që ka justifikuar, dhe se si, më në fund, e ka vendosur t’i hyjë në shtëpi dikujt. Hyrja nga dritarja u mundësua vetëm nga KFOR-i. Jo pse qe aq trim Tadiqi, dhe se do t’ia mësynte të futej në Kosovë pa frikë. KFOR-i pas këtij vendimi, ka gjasa të mëdha ta pësojë keq, sepse tani besimi i shqiptarëve ndaj tyre do të degradohet, sepse qartazi u pa se ka tradhtuar shqiptarët, duke ia futur armikun jo nga dera po nga dritarja.
I mbetet qeverisë aktuale dhe institucioneve tona të mendohen më mirë të mësojnë, dhe më shumë në të ardhmen, se si dhe nga mund të hyn apo të futen të padëshirueshmit e zorshëm...

Më 19 Prill 2009

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30