Greqi, shoferët grekë të KTEL sulmojnë me gurë autobusin shqiptar

nga **Agim Gashi** Thu Sep 13, 2012 12:41 pm

Greqi, shoferët grekë të KTEL sulmojnë me gurë autobusin shqiptar

Sulmohet me gurë autobusi i linjës Tiranë-Athinë në Konicë, nga punonjës grekë të shoqërisë së transportit KTEL.

Policia greke bën me dije se sulmi ka ndodhur rreth orës 06:00 të mëngjesit gjatë momentit të pushimit të udhëtarëve, ndërkohë që si pasojë e sulmit autobusit shqiptar i është thyer xhami i parë e disa anësor, por fatmirësisht nuk pati persona të lënduar. Autoritet greke njofton se ka identifikuar rreth 20 shoferët e KTEL, të cilët janë autorë të incidentit.

Kjo nuk është hera ë parë që shoqëria greke e transportit ndërmerr një veprim ndaj autobusëve shqiptar të linjës me Athinën, pasi vetëm pak ditë më parë i ka bllokuar ato me pretendimin se nuk do të lejojë konkurrencë të pandershme.

Precedenti
Vendimi i Gjykatës administrative të Athinës, e cila pezulloi për të paktën 10 ditë urdhrin e Ministrisë Greke të Transporteve që ndalonte linjat e autobusëve Greqi-Shqipëri të kalonin kufirin në Kakavijë, u bë shkak i nisjes së një proteste më 8 shtator të 70 autobusave të KTEL.

Autobusët e shoqërisë greke protestuan në anën greke të Kakavijes, në shenjë proteste për moslejimin e udhëtimit të autobusave shqiptarë drejt Greqisë. Shoqëria greke e transportiti ka paralajmëruar vjimin e protestave, pasi sipas saj shoferët profesionistë kërkojnë fundin e konkurrencës së pandershme dhe nuk do të tërhiqen nga protesta e tyre.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30