Kosova pa veriun ka 1,739,825 banorë

nga **Agim Gashi** Fri Sep 21, 2012 10:32 pm

Kosova pa veriun ka 1,739,825 banorë

1 milionë e 739 mijë e 825 është numri i përgjithshëm i popullatës në Kosovë, pa tri kumunat veriore. Prej tyre 92.93 % janë shqiptarë, ndërsa 1.47 % janë serbë. Rezultati u publikua sot nga Agjencia e Statistikave të Kosovës, në një konferëncë ndërkombëtare që u mbajt në Prishtinë.

Pas tridhjetë vjetësh, Kosova ka të dhëna të sakta për numrin e popullsisë. 1 milionë e 739 mije e 825 është numri i përgjithshëm i popullatës në Kosovë pa tri komunat veriore, Zubin Potok, Zveçan dhe Leposaviç.

Prej tyre 92.93 % janë shqiptarë, 1.47 % janë serbë, 1.08 % turq, 1.58% boshnjak, 0.51%, romë, 0.89%, ashkalinjë, 0.66 %, egjiptian 0.59 %, goran 0.14 % , të tjerët , 0.05% kanë preferuar të mos përgjigjen.

Isa Krasniqi, kryeshef ekzekutiv i Agjencisë së Statistikave të Kosovës ka thënë se këto të dhëna do t’i japin fund spekulimeve joshkencore dhe se do të mundësojnë planifikim dhe zhvillim të politikave, të bazuara në parametra profesional.

Ndërsa, zëvendëskryeministrja e Kosovës, Edita Tahiri ka thënë se këto të dhëna do të kenë ndikime pozitive në fushën e zhvillimit, në ekonomi, arsim, demografi, studime shkencore si dhe zhvillimin e komunave. Ajo i ka quajtur thesar të dhënat që tashmë i posedon vendi ynë.

“Qeveria e Kosovës e konsideron këtë regjistrim si projekt me rëndësi kapitale, si një faktor esencial në planifikimin e politikave zhvillimore dhe marrjen e vendimeve të drejta për një të ardhme më të mirë për shtetin tonë dhe qytetarët e saj”, ka thënë Tahiri.

Shefi i zyrës së Bashkimit Evropian në Kosovë, Samuel Zhbogar, ka thënë se posedimi i të dhënave të sakta është kyçe për çdo politikë bërje. Zhbogar e ka quajtur çështje hipotetike deklarimet e Beogradit për regjistrimin e populltës në veri.

“Kur Serbia u përpoq të mbajë zgjedhje në Kosovë, Bashkimi Evropian u shpreh qartë se në Kosovë nuk mund të organizohen këto zgjedhje dhe kjo është e njëjta çështje, unë pres të njëjtin pozicion për paralajmërimet e Beogradit për regjistrim në veri”, tha Zhbogar.

I tërë kry proces është ndihmuar nga BE-ja përmes EUROSTAT-it në themelimin dhe udhëheqjen e operacionit monitorues ndërkombëtarë.

Numri i përgjithshëm i ekonomive familjare është 279.090, numri i përgjithshëm i banesave 412.884, ndërsa kryeqyteti ka 198,897 banorë. Në konferencë u tha se shpejtë do të dalin edhe me vlerësime për pjesën veriore që nuk kanë marr pjesë në regjistrim.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30