Zbulohet statuja e Nënë Terezës

nga **Agim Gashi** Sun Sep 23, 2012 2:42 pm

Zbulohet statuja e Nënë Terezës

SHBA- KLIVLEND- OHAJO- Në një ditë me shi, më shumë se 300 njerëz u mblodhën në parkun “Rockfeller” të Klivlend, Ohajo, të shtunën në mbrëmje për të festuar ngritjen e Kopshtit Kulturor shqiptar.
Një statujë e gjatë prej bronzi e bamirëses shqiptare, Nënë Tereza, fituese e çmimit Nobel për paqen për punën e saj me të varfrit u zbulua mes mjaft emocionesh.
I pranishëm ishte edhe Presidenti i Republikës, Bujar Nishani dhe tre fëmijë muzikantë të cilët janë adoptuar nga jetimoret e ngritura nga Nënë Tereza.
Në ceremoni, e cila zgjati rreth 75 minuta, morën pjesë edhe shumë shqiptarë të cilat kanë nisur një jetë të re në Shtetet e Bashkuara të Amerikës, pas viteve 90, studentë shqiptarë nga Shqipëria dhe Kosova, etj.
Pavarësisht shiut të dendur, një grup valltarësh me veshje popullore, shoqëruar nga këngëtari i muzikës popullore, pjesë e komunitetit shqiptar në Amerikë, Gëzim Nika argëtuan të pranishmit.
Kopshti Kulturor shqiptar ka ende edhe dy faza të tjera për të kaluar. Faza e dytë përshin ndërtimin e një shatërvani të madh. Ideja është që kjo pjesë e parkut të përdoret nga shqiptarët e Amerikës, për dasma, festa dhe pikniqe.
“Ne duam që të përdoret dhe jo thjesht të shikohet”- thanë përfaqësuesit e Bashkisë së Klivlendit.
Kështu edhe Shqipëria do të ketë kopshtin e saj kulturor në Klivlend, në një park ku prezantohen kultura nga Gjermania, Italia, Amerika, Turqia, India dhe shumë vende të tjera.
Kërkesa për vendosjen e statujës së Nenë Terezës në “Rockfeller Park” është bërë nga komuniteti shqiptaro-amerikan që në vitin 2009.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30