Sekui i dorëzon Berishës progres raportin e KE-së

nga **Agim Gashi** Thu Oct 11, 2012 11:26 am

Sekui i dorëzon Berishës progres raportin e KE-së

“Raporti tregon edhe rrugën e duhur për të ardhmen

Ambasadori i BE-së në Tiranë Etore Sekui i ka dorëzuar sot Kryeminsitrit Sali Berisha progres raportin e KE-së. Ai e konsideroi një sinjal të rëndësishëm për Shqipërinë marrjen e statusit kandidat në kuadër të 100 vjetorit të pavarësisë. Duke vlerësuar arritjet, Sekui u shpreh se ky raport tregon edhe rrugën e duhur për të ardhmen, që janë miratimi i reformës në gjyqësor, reforma në administratën publike dhe rishikimi i rregullores së parlamentit, detaje edhe për projektligjin e Gjykatës së Lartë dhe ligjin e shërbimit civil.
“Dëshirojmë të shohim angazhim në luftën kundër korrupsionit dhe krimit të organizuar. Ajo që është e rëndësishme duhet bazuar në disa fjalë kyce, të cilat kanë çuar Shqipërinë në ato arritje që kemi parë sot”- tha Sekui, i cili kërkoi mobilizim gjithëpërfshirës.
“Marrja në konsideratë e faktit që integrimi në BE është një objektiv kombëtar, i cili bazohet në proces gjithëpërfshirës dhe mobilizim rreth këtij objektivi të përbashkët”
Gjithashtu ambasadori i BE-së falënderoi kryeministrin Berisha për bashkëpunimin për rolin që ka luajtur edhe ministria e integrimit evropian dhe komisioni i Integrimit , i drejtuar nga zoti Bushati.

Berisha: Kjo axhendë projekt i shekullit, do punojmë me përkushtim
Nga ana e tij kryeministri Berisha e konsideroi këtë raport si dokumentin më të rëndësishëm historik që Shqipëria ka marrë nga Brukseli në këto 22 vite bashkëpunimi dhe vlerësimi më i madh për vendin tonë në këtë 100 vjetor të pavarësisë. Ai shprehu angazhimin e tij për të punuar me përkushtim mbi këtë axhendë që është dhe projekti kryesor i këtij shekulli.
“Është një rast për të falenderuar qytetarët shqiptarë, të cilët kanë mbështetjen më të lartë për procesin e integrimit të vendit në BE. Kjo mbështetje përbën për qeverinë time një energji të madhe, përkushtim të madh për të punuar në këtë axhendë si projekti kryesor i këtij shekulli”- tha Berisha, i cili vlerësoi kontributin e opozitës.
“Shpreh vlerësimin për kontributin e opozitës, e cila pasi u shkëput nga praktika bojkotit dhe bllokimit bëri të mundur votimin e ligjeve të rëndësishëm si kodi zgjedhor, imuniteti dhe ligje të tjera”- shtoi më tej ai, duke falënderuar dhe ambasdorine BE- në Tiranë dhe komisionerin Fyle për angazhimin e madh dhe mbështetjen që i kane dhënë vendit tim e qytetarëve në këtë proces me rëndësi historike për ta.
Komisioni tregon qëndrimin e tij për vlerësimet e palëknëdur të Shqiëprisë dhe kërkon të votohen 3 ligje që janë në parlament- vijoi Berisha i cili shprehu angazhimin e tij së do bëjë çdo gjë që ëhstë mundur që ato ligje të votohen që javën që vjen.
“Nuk kërkojnë asgjë tjetër veçse pranimin e parimeve themelore të sistemit demokratik”- tha ai, ndërsa garantoi shqiptarët dhe ndërkomëbatrët se do bëjë gjithçka për një proces të lirë e të ndershëm zgjedhor në 2013, në mënyrë që me zgjedhjet të dëshmojmë hapjen e negociatave me BE.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30