Sulmi ndaj Pirro Dhimës, KPR: Kush ndryshon kombësinë s’pranohet nga asnjë shoqëri

nga **Agim Gashi** Sat Nov 03, 2012 6:48 pm

Sulmi ndaj Pirro Dhimës, KPR: Kush ndryshon kombësinë s’pranohet nga asnjë shoqëri

Klubi i Patriotëve të Rinj ka reaguar sot ndaj sulmit që i është bërë në Greqi Pirro Dhimës. Sipas tyre çdo person që ndryshon kombësinë, siç është edhe rasti i Dhimës nuk pranohet nga asnjë shoqëri.

“Pirro Dhima u sulmua përpara dy ditësh, për shkak të një votimi në Parlamentin grek, duke u etiketuar si "shqiptar i poshtër" në protesta të zhvilluara jashtë Parlamentit grek. Ky sulm vërteton atë që Klubi i Patriotëve të Rinj ka deklaruar që në krye të herës se të gjithë shqiptarët që ndryshojnë kombësinë e tyre për çfarëdolloj arsyeje humbasin identitetin dhe nuk janë të pranuar nga asnjë shoqëri. Në periudha krizash si ajo që kalon Greqia, shprehen qëndrimet e vërteta të shoqërive dhe kombeve”, thuhet në deklaratën e KPR.

Klubi i Patriotëve të Rinj u bën thirrje të gjithë shqiptarëve të ngrenë lart krenarinë e kombit të tyre dhe identitetin shqiptar. “Kushdo që ka bërë ndryshe, ka humbur gjithçka. Fakti që Pirro Dhima, që e ka ngritur Greqinë në piedestal, pasi vetë Pirron e ngriti në piedestal Shqipëria, sulmohet për shkak të origjinës së tij, bën të kuptohet se cili do të ishte reagimi ndaj shqiptarëve të tjerë, të cilët kanë ndërruar identitet për arsye financiare, apo meskine personale”, përfundon deklarata.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30