Krasniqi: Kosova po sundohet nga tradhtarët e rinj

nga **Agim Gashi** Thu Nov 15, 2012 9:53 pm

Krasniqi: Kosova po sundohet nga tradhtarët e rinj

Kosova po sundohet nga tradhtarët e rinj ka deklaruar sonte deputeti i Lëvizjes Vetëvendosje, Florin Krasniqi, ndërsa për kryeministrin Hashim Thaçi, tha se beson se është rrugaç. “Këta pushtetarë si vjedhin, pasurohen dhe shkelin interesat shqiptare”, janë “tradhtarë të rinj”.

Krasniqi ka përsëritur se nëse është nevoja është i gatshëm t’ia thyej dhëmbët kryeministrit Thaçi, por se nuk dëshiron të bëjë një gjë të tillë.

Deri më sot askush nuk më ka mbetur borxh, dhe askujt nuk i kam borxh”, tha Krasniqi, derisa pyetej në vazhdimësi se a do ta përdorte kanunin apo jo, meqë shpesh aludonte në një gjë të këtillë duke iu referuar nderit të lënduar nga kryeministri Thaçi, pasi sipas tij ka shpifur ai dhe partia e tij ndaj deputetit dhe familjes Krasniqi. Ai po ashtu i referohej një situate të këtillë duke theksuar se o pengohet drejtësia ndaj pasië së tij.
Krasniqi shumë muaj më parë ka ushtruar padi, pas një reagimi publik denigrues të PDK-së, si kundërpërgjigje ndaj akuzave që ai kishte bërë ndaj Thaçit dhe PDK-së.

“Unë do ti përdori të gjitha mjetet legale kundër Hashim Thaçit dhe bandës së tij për atë që kanë bërë kundër familjes time”, ka thënë Krasniqi, duke folur për atë se si kryeministri e kishte quajtur gruan e Florin Krasniqit, "çetnike".

Duke iu referuar edhe njëherë origjinës së kësaj situate, ai tha se kjo gjendje është pasojë edhe e një pjesë të ndërkombëtarëve që preferojnë regjime të korruptuara. Ai më pas e zgjeroi tezën e sundimit të kësaj kaste politike duke thënë se ata po synojnë që të pasurohen gjithnjë e më shumë, dhe në këtë mënyrë ta kontrollojnë edhe çdo lloj pushtetit që vjen pas tyre, për ta rimarrë sërish vet. Ai tha se këta janë të gatshëm të largohen nga pushteti për katër vjet, dhe me pasurinë që kanë bërë, me shumicën e medieve të blera, do të bëjnë shumë propagandë, dhe se klasa politike që do të jetë në pushtet, meqë nuk do ti mjaftojnë katër vjet as për ta stabilizuar gjendjen, do të rikthen sërish në pushtet.
Ai fajësoi sërish SHIK-un dhe e quajti tallje me popullin kinse anëtarësimin e Kadri Veselit në SHIK. Si mund të anëtarësohet dikush në një parti, të cilën për kaq shumë kohë e ka kontrolluar, dhe është bashkëfajtorë për gjithë ato të këqija që i ndodhën vendit pas luftës.

Departamenti Amerikan i Shtetit i mbështet regjimet e korruptuara dhe sipas Krasniqi, është duke e mbështetur edhe regjimin e Hashim Thaçit. Florin Krasniqi ka thënë se kryeministri Thaçi është i shantazhuar, duke thënë se ka ardhur në pushtet pas vjedhjes së votave.
“Një njeri që nuk ka prejardhje të pasur dhe tani është i pasur, është kriminel”, ka thënë Krasniqi.
Ai ka folur edhe për bashkimin kombëtar duke u shprehur se Amerika duhet të bindet që Kosova dhe Shqipëria, duhet të bashkohen.
“Politika amerikane për Kosovën, nuk është e shkruar në gur, por në letër dhe ne së bashku mund ta ndryshojmë këtë politikë dhe t’i tregojmë Amerikës së Kosova dhe Shqipëria duhet të bashkohen”, ka thënë Krasniqi në “Rubikon”.
Ai tha se jetën e tij e flijon më parë për Amerikën se për Kosovën. Krasniqi me një fjalë ka lënë të kuptohet se e donë Amerikën më shumë se Kosovën.
“Unë e jap jetën për sigurinë kombëtare të Amerikës, përpara se ta jap jetën për sigurinë kombëtare të Kosovës”, ka thënë Florin Krasniqi.
Ai tha se qytetarët e Kosovës nuk duhet ta pranojnë këtë situatë, duhet të jenë më aktiv për ta ndryshuar situatën, vendi është gjithnjë e më i varfër, por njerëzit e ndershëm nuk duhet të lejojnë një politikë të këtillë, ‘ta marrin fatin e vendit në duart e tyre’. BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30