LSI: Në këtë 100-vjetor duhet të përmendet edhe Enver Hoxha, nuk mund ta heqim nga historia

nga **Agim Gashi** Wed Nov 28, 2012 4:45 pm

LSI: Në këtë 100-vjetor duhet të përmendet edhe Enver Hoxha, nuk mund ta heqim nga historia

Komunisti i Shekullit Enver Hoxha
Në këtë 100-vjetor është folur shumë për dy figura, Ismail Qemalin dhe Ahmet Zogun, por është kaluar në heshtje periudha pothuajse 50-vjeçare e drejtimit të vendit nga ana e komunistëve dhe Enver Hoxha. LSI, me anë të nënkryetarit Petrit Vasili, ka thënë se Hoxhën nuk mund ta heqin nga historia.

“Nuk besoj se Enver Hoxhën mund ta heqë njeri nga historia, me pjesët e errëta të asaj kohe, por edhe me arritjet e asaj kohe. Dimë që edhe për Enver Hoxhën flitet sikurse edhe për figurat e tjera. Sot bëjmë mirë që vendosim atje ku e ka vendin Ahmet Zogu. Ka pasur përgjegjësinë e madhe të drejtojë shtetin shqiptar në një periudhë të caktuar, të rëndësishme, thuajse 20 vjeçare. Pyetja që ngrihet është me vend përsa i përket faktit se nuk flitet për asgjë që ka lidhje me figurën e Enver Hoxhës. Sigurisht nuk është normale. Gjërat që kanë ndodhur në kohën e Enver Hoxhës i kemi kaluar, luftën e egër të klasave, qëndrimin tërësisht të egër e të ashpër kundrejt kundërshtarëve politikë. Është një periudhë e zezë të cilën e kemi lënë pas por kemi pasur edhe arritje të cilat nuk duhet ti harrojmë. Kemi pasur një arsim popullor i cili krijoi mundësinë e një arsimimi të gjerë. Kemi pasur zhdukjen e sëmundjeve si malarja etj. Kemi edhe arritje të tjera që kanë lidhje për shembull me energjetikën, ku sot e kësaj dite kemi hidrocentrale të ndërtuara në atë kohë. Me të njëjtën gjakftohtësi me të cilën flasim për ato që ka bërë Ahmet Zogu duhet të flasim edhe për Enver Hoxhën. Jam plotësisht dakord me faktin se ka një anormalitet, ka një ricensurë, autocensurë të re lidhur me këtë çështje. Besoj se kjo nuk i hyn në punë kurrkujt”, ka thënë Vasili.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30