“Në koalicion, veç me Ramushin Kryeministër”

nga **Agim Gashi** Thu Dec 06, 2012 8:51 pm

“Në koalicion, veç me Ramushin Kryeministër”

Kryetari i Grupit Parlamentar të AAK-së në Kuvendin e Kosovës, Ardian Gjini, u është përgjigjur disa deklarimeve të anëtarëve të PDK-së se nuk mund ta japin postin e Kryeministrit, duke u thënë se AAK-ja e ka vetëm këtë kërkesë, që në koalicionin me PDK-në, Kryeministër të jetë Ramush Haradinaj. Gjini nuk ka dashur të spekulojë lidhur me ndarjet e Ministrive, por ka thënë se nëse kryeministër është Ramush Haradinaj, atëherë ai shpreson se AAK-ja do t’i ketë Ministritë me më ndikim. Mirëpo, ndryshe mendon shefi i Grupit parlamentar të PDK-së, Adem Grabovci, sipas të cilit, proceset nëpër të cilat po kalon Kosova nuk lejojnë ndryshime aq të thella.

“Aleanca e ka vetëm një ofertë dhe ajo është oferta që Aleanca të udhëheq me Qeverinë e Kosovës dhe Ramush Haradinaj të jetë udhëheqës i asaj Qeverie si kryeministër. Kjo është ajo që ne e kemi si ofertë dhe jo diçka tjetër”, ka thënë Gjini. Ndërsa shefi i Grupit parlamentar të PDK-së, Adem Grabovci, ka thënë se proceset nëpër të cilat po kalon Kosova nuk lejojnë ndryshime aq të thella.

“Edhe sikur ne te ishin te gatshëm, rrethanat e krijuara në Kosovë nuk e lejojnë një gjë të tillë. Kryeministri i vendit është i suksesshëm dhe nuk kemi nevojë për ndryshime, sepse ne kemi filluar një proces dhe nuk guxojmë të luajmë me vetveten”, ka thënë ai.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30