Ali Berisha preferon Ramushin kryeministër e Thaçin kryetar të Kosovës

nga **Agim Gashi** Wed Jan 19, 2011 6:47 pm

Ali Berisha preferon Ramushin kryeministër e Thaçin kryetar të Kosovës

Derisa anëtarë të ndryshëm të kryesisë së Aleancës për Ardhmërinë së Kosovës (AAK) po pozicionohen me deklarata individuale për apo kundër koalicionit qeverisës me PDK-në, kryetari i Pejës dhe anëtari i Kryesisë qendrore të AAK-së, Ali Berisha, e sheh zgjidhjen më të mirë në Ramush Haradinajn kryeministër dhe Hashim Thaçin kryetar të Kosovës.
Kjo përbërje e qeverisë së re të vendit tonë, që po kalon nëpër këtë periudhe të vështirë politike, sipas Berishës do të ishte zgjedhja më e mirë për të gjithë.
“Madje kjo do të ishte formula më e pranueshme për popullin e Kosovës”, shprehu Berisha të hënën për KosovaLive, mendimin e tij personal si anëtar i Kryesisë së AAK-së.
Mendime personale dhe individuale janë duke shprehur ditët e fundit edhe anëtarë tjerë të Kryesisë së AAK-së, të cilët lënë përshtypjen në opinion se kanë krijuar dy rryma përbrenda AAK-së.
Njëra me Blerim Shalën, që mendohet të jetë pro koalicionit me PDK-në dhe tjetra me Blerim Kuqin e Burim Ramadanin, që janë kundër këtij koalicioni.
“Është hendikep për partinë kur nuk e ka liderin, mirëpo si anëtar i Kryesisë së AAK-së iu garantoj se nuk ka përçarje e as klane brenda AAK-së, e as që është biseduar deri tash në takimet e Kryesisë për koalicionet e mundshme”, thotë Berisha.
Deri tash, siç thotë Berisha, ka pas vetëm deklarime individuale por nuk ka pas ende diskutime të mirëfillta në nivelet vendimmarrëse të partisë për koalicione, pasi sipas tij në përgjithësi është menduar të pritet një herë rezultati përfundimtar i zgjedhjeve.
Sipas Berishës, as vizitat e ndara në Hagë të Ramush Haradinaj nga disa anëtarë të Kryesisë nuk kanë pas të bëjnë me koalicionin, por për çështje tjera organizative të partisë.
“Ramushi ia ka lanë Kryesisë së partisë vendosjen për koalicione, por AAK ende nuk ka qëndrim për apo kundër koalicionit”, e ka lënë të hapur pyetjen Berisha lidhur me atë se a do bëhet AAK-ja pjesë e koalicionit apo do të mbetet jashtë përbërjes së qeverisë së re të Kosovës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30