VIKTORIA XHAKO – LULE VIOLET DO NDEZ DEGËQERSHIVE - Poezi

nga **Agim Gashi** Thu Dec 13, 2012 10:35 pm

VIKTORIA XHAKO – LULE VIOLET DO NDEZ DEGËQERSHIVE - Poezi
Marrë nga vëllimi “ZEMËR E NGRIRË” botuar në prill 2011!

Si ta vrasësh ankthin e natës së gjatë,
Të vjeshtës së egër gjashtëdhjet’e tetë?
Si t’ia nxjerrësh gjoksit zemrën e ngratë,
Liri t’i japësh hapësirash tek retë?

Ecën vetmia kalldrëmeve të vjetra,
Gurërrokullisur nën këmbët e saj.
Shall pa ngjyrë kokës i ka hedhur koha,
Sytë turbull shohin vetëm në një skaj.

Valixhen me ëndrra e nxora qilarit,
Të nis udhëtimin me “trenin” ekspres.
Litarët e shiut ç’më godasin ashpër,
Kund nuk do të ndalem, të gjej një mëngjes.

Fushash do të endem të arrij tek malet,
Me rrezet e hënës do të ngjitem lart.
Do ta gjej agimin nëpër ato maja,
Do të flak humnerash endjet nëpër natë.

Prej netësh të gjata të vjeshtës së vonë,
Sythe të arta do të çel agimeve.
Pragut të fundjetës, dhjetorit të blertë,
Lule violet do ndez degëqershive.

Buzët do ngjyej në arin e diellit,
Horizontpërflakurit do t’i puth me etje,
Veç qëndro me mua, pa fjalë, i heshtur,
Asgjë mos më thuaj, të lutem, asgjë!

E enjte 10 mars 2011 ora 16:00
VIKTORIA XHAKO
(ZHORZH SAND)

VIKTORIA XHAKO – LULE VIOLET DO NDEZ DEGËQERSHIVE - Poezi 205121_548718375155679_1295401915_n

VIKTORIA XHAKO – LULE VIOLET DO NDEZ DEGËQERSHIVE - Poezi 205121_548718375155679_1295401915_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30