Koalicioni PDK-AAK, larg e më larg?

nga **Agim Gashi** Wed Dec 19, 2012 3:24 pm

Koalicioni PDK-AAK, larg e më larg?

Partia Demokratike e Kosovës duket se është e vendosur tani për tani që mos të negociojë postin e kryeministrit me AAK-në, pasi që humbë popullaritetin e qeverisjes dhe kryeministrit, e në të njëjtën kohë bënë si personalitet më të “fort”, Ramushin. Po ashtu, koalicioni mes këtyre dy partive mund të ndodhë vetëm pasi të kryhen zgjedhjet brenda PDK-së dhe AAK-së.

Pas lirimit nga Haga të Ramush Haradinajt me bashkëluftëtar u krijua përshtypja tek qytetarët se së shpejti Kosova do të ketë UÇK-qeverisjen. Megjithatë shumë shpejt u vërejt se këto dy subjekte politike janë shumë me larg marrëveshjes se që u parashikua në fillim.

Këtë e konfirmojnë edhe burime të mediave, brenda PDK-së të cilat thonë se çështja e koalicionit është në fazën fillestare të diskutimit dhe i pasigurt që do të ndodhë, se paku jo brenda një kohe të shkurtër .

Derisa, AAK-ja është e vendosur tani për tani edhe publikisht të marr postin e kryeministrit dhe disa ministri që mendojnë që mund të japin kontributin e tyre siç janë MZHE, MEF-i, MKRS, MD, MI të cilat kanë treguar një përformancë të dobët në krahasim me ministritë e tjera dhe për të cilat duket se Thaçi do të pajtohet, PDK ka disa arsye që për burimin tonë janë logjike, që mos t’i jap postin e kryeministrit.

“ Ne kemi një kryeministër të suksesshëm dhe nuk kemi nevojë që ta injorojmë punën e tij. Dhënia e postit të kryeministrit në këtë kohë do të thoshte se kemi probleme të mëdha në qeverisje, gjë që nuk është por koalicioni me AKR-në po shkon mirë, pastaj nëse ne japim postin e kryeministrit i bie që ne kemi pas kryeministër dhe qeverisje të dobët dhe po sjellim një më të fort, gjë që nuk qëndron”.

Arsyeja tjetër e PDK-së është edhe për shkak të zgjedhjeve të brendshme, të cilat nuk dihet se si do të ndryshojnë udhëheqjen e kësaj partie.

“Edhe po të donte Thaçi, në këto momente nuk do ta bënte këtë koalicion sepse ai po merret me zgjedhjet e brendshme të partisë, në të cilat duket që do të ketë konkurrencë shumë më të madhe për udhëheqje, por gjithashtu, nëse do të vendoste tash për koalicionin nuk e di sa do ta ketë përkrahjen e drejtuesve të ardhshëm të partisë, të cilët do të dalin diku nga fundi i janarit apo shkurtit ”, thotë një burim tjetër brenda PDK-së, duke shtuar se tanimë në PDK, ka të interesuar për t’i bërë konkurrencë Thaçit dhe çdo gjë varet se kush do të jetë në kuvendin qendror dhe kush do të jenë kryetarët e PDK-së ne komuna.

Kjo edhe për faktin se po shihet që fuqia e Hashim Thaçit në vendosjen e udhëheqësve të degëve sipas dëshirës së tij nuk është në nivelin e mëhershëm.

Po ashtu ka edhe zëra publik siç është rasti i Rrustem Mustafës, nënkryetar i PDK-së, i cili edhe publikisht ka dalë kundër një koalicioni me AAK-në.

Menjëherë pasi t’i përfundon zgjedhjet partiake PDK-ja, pritet që nga janari t’i fillojë edhe AAK-ja dhe kjo rritë pasigurinë e një koalicioni të shpejtë.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30