Veliu - Demaçit: Ai është markisit

nga **Agim Gashi** Wed May 01, 2013 10:06 am

Veliu - Demaçit: Ai është markisit

Kryetari i Komunës së Podujevës nga radhët e LDK-së Agim Veliu e ka quajtur Adem Demaçin marksist pasi ky i fundit kishte thënë se Llapi po udhëhiqet pa meritë nga LDK-ja.
Veliu ka thënë se Demaçi po bëhet avokat i dreqit dhe për këtë, sipas tij, po paguhet.
“Ai është mendim i tij, tash po mundohet me la diçka me diçka”, ka ironizuar Veliu me deklaratën e Demaçit. Veliu ka thënë për standardi.info se Demaçi është marksist. “Ai është një ish- marksist që po konvertohet herë patriot, herë nacionalist që nuk më bënë përshtypje”.

Ai ka thënë se udhëheqjen e Podujevës e ka marr me votë. “Mandatin e kam marr me votën e sovranit dhe as që më bënë përshtypje se çka thotë ai”, ka thënë Veliu, transmeton portali Standardi.info.

Sipas tij, LDK-ja nuk e ka vlerësuar që Demaçit duhet t’i jepen benificione. “Nuk e kemi vlerësuar se duhet t’i japim benificione. Po tash ai po e luan rolin dyfytyrësh sepse po merr pare dhe po gëzon benificone dhe po mbron ata që po e paguajnë”, ka thënë Veliu.

“Le të flet ai çka të dëshiron, për familjen time e dinë të gjithë që gjithmonë kemi qenë patriot. Babë e babagjysh i njohin të gjithë sepse kanë qenë patriot dhe për deklarata të tilla që i bënë dikush që shitet, nuk mërzitem”, ka thënë Veliu, transmeton Standardi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30