LPK i bashkohet VV-së

nga **Agim Gashi** Tue Jul 23, 2013 7:50 pm

LPK i bashkohet VV-së

LPK i bashkohet VV-së Largea_bashkim1374584624

Lëvizja Popullore e Kosovës iu bashkua sot Lëvizjes Vetëvendosje. Lideri i Vetëvendosjes, Albin Kurti tha se duke u bashkuar më këtë subjekt, do të forcohen, duke u shtuar radhët për tu angazhuar në të mirë të popullit të Kosovës. Përfaqësues të LPK-së, thanë se bashkimi me Vetëvendosjen, në zgjedhjet e ardhshme do të ndryshojnë rrjedhën politike, ekonomike e shoqërore në vend.
Duke bërë publike bashkimin e Lëvizjes Popullore të Kosovës me Lëvizjen Vetëvendosje, kryetari i Vetëvendosjes Albin Kurti, tha se tashmë do të krijohet komisioni i përkohshëm të përbërë nga përfaqësues të dy subjekteve, që do të merret me bashkimin e anëtarësisë dhe strukturave të LPK-së brenda Lëvizjes Vetëvendosje.
Ndërsa përfaqësuesi i Lëvizjes Popullore të Kosovës, Azem Zekaj, tha se LPK-ja ka vendosur të bashkohet me Lëvizjen Vetëvendosje, duke parë angazhimet e saj në skenën politike të Kosovës dhe situatën e rëndë në vend.
Pavarësisht se LPK është një subjekt i vogël politik, lideri i Vetëvendosjes Kurti tha se LPK gëzon respektin e gjithë popullit shqiptar, pasi është simboli i përpjekjeve dhe sakrificave të popullit për liri e barazi, drejtësi e bashkim kombëtar. “Askush nuk mund t’i kuptojë dhe shpjegojnë tri luftërat e ushtrive çlirimtare shqiptare, pa LPK-në”, tha Kurti.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30