Opozita bashkohet për një front të përbashkët

nga **Agim Gashi** Wed Sep 16, 2015 7:45 pm

Opozita bashkohet për një front të përbashkët

Foto: Bota sot

Kryetari i Lëvizjes Vetëvendosje, Visar Ymeri, i NISMA-s, Fatmir Limaj dhe i AAK-së, Ramush Haradinaj në një konferencë të përbashkët kanë deklaruar se AAK, Nisma dhe VV do të jenë një opozitë e bashkuar si brenda, ashtu edhe jashtë Kuvendit.
Ymeri ka thënë se kjo ka ardhur duke marrë parasysh rrënimin e Kosovës nga qeveria aktuale, themelimi i Zajednicës, marrëveshja për demarkacionin me Malin e Zi, e një sërë tema tjera.
“Duke pasur parasysh rrenimin e Kosoves nga kjo qeveri dhe per themelimon e Zajednices dhe falimentimin e Kosoves, te shqetesuar me ndarjen e Kosoves me demarkacionin, te brengosur nga drejtesia selektive dhe ne korrupsionin qe po e shkaterron shtetin tone, deklarojme se AAK, VV, dhe Nisma do te jene nje opozite e bashkuar si brenda ashtu edhe jashte Kuvendit”, ka thënë Ymeri.
Ai ka thënë se janë duke u bërë mobilizimet për protesta gjithë popullore, që për qëllim kanë ndaljen e rrënimit të Kosovës dhe vendit t`i jepet perspektiva.
Sipas Ymerit, qeveria e Mustafës e ka për qëllim keqpërdorimin e shtetit për t`u pasuruar.
“Ne jemi ne nje proces te mobilizimit per protesta gjithe popullore. Qellimi perfundimtar eshte qe Kosoves ti` ndalet rrenimi dhe ti jepet rruga e prespektives. Qeveria e Mustafes eshte e interesuar ta keqperdor shtetin dhe te pasurohet. Jemi të vendosur që t`i ndalim këto procese”, është shprehur ai.
Lideri i AAK’së, Ramush Haradinaj ka thënë se partia e tij bashkë me Vetëvendosjen e Nismën pret që t’u bashkohen edhe grupet e tjera të shoqërisë për t’i kundërshtuar këto marrëveshje dhe të kërkohet të heqet dorë nga marrëveshjet e nënshkruara.
Në anën tjetër, Fatmir Limaj ka thënë se tani është shpresa e fundit për ndryshimin e gjendjes në vend. Sipas tij, kjo është hera e parë që në Kosovë kemi një opozitë të bashkuar për ta ndalur, siç ka thënë ai, të keqen që po i shkaktohet vendit.
“Kosova nuk ka as parlament kredibil sepse atë e ka shkatërruar ky koalicion qeverisës”, ka thënë Limaj, duke shtuar se Qeveria e Kosovës duhet të dorëhiqet sa më shpejtë.
Limaj ka kërkuar zgjedhje të parakohshme dhe largimin sa më të shpejtë të qeverisë.
Në konferencë kanë folur liderët e tri partive, Visar Ymeri, Ramush Haradinaj dhe Fatmir Limaj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30