‘Thaçi: Mos ikni, shpall 230 000 vende të reja pune’ (FOTO)

nga **Agim Gashi** Mon Aug 05, 2013 6:25 pm

Ndërsa sezoni i pushimeve ka filluar Qeveria e Kosovës është duke punuar me ritëm si kurrë më parë. Madje në orët e pasdites së hënë në mënyrë publike ka ‘shpallur’ konkursin për 230 mijë vende të reja pune, edhe pse shumica e qytetarëve janë në pushime verore.

Qeveria po ashtu për të treguar perfomancën e duhur dhe kontestuar zërat antiqeveri, për secilin vende pune ka paraparë një pagë prej 700 euro. Por kështu mendon një organizatë e panjohur e cila në emër të qeveris së Kosovës ka mbushur pemët dhe shtyllat elektrike të qendrës së qytetit me këtë shpallje në të cilat kalimtarët e rastit e i bënë sytë katër për të shikuar konkursin.
Po ashtu përmes këtij konkursi ‘qeveria u bënë thirrje edhe njëherë qytetarëve të Kosovës që të mos e lëshojnë vendin në asnjë mënyrë ngase ekonomia jonë po lulëzon si kurrë më parë. Ky konkurs është edhe një dëshmi e kësaj mrekullie ekonomike e sociale, theksohet në shpallje që mban mbishkrimin e kryeministrit Hashim Thaçi.