Reuters - DYQANI LUKSOZ ZVICERAN TROIS POMMES MOHON RACIZMIN NDAJ OPRAH WINFREYT

nga **Agim Gashi** Sat Aug 10, 2013 11:02 pm

Voal-online - ZÜRICH (Reuters) - Pronari i një dyqani të mallrave luksoze në Zyrih ka mohuar se është manifestuar racizëm kur Oprah Winfrey u dekurajua nga blerja e një çante që kushtonte 35.000 franga zvicerane ($ 38,100).

Prezantuesja televizive amerikane, e emëruar kohët e fundit si famozja më e fuqishme në botë, ishte në Zvicër për martesën e këngëtares Tina Turner, kur ndodhi incidenti muajin e kaluar.

Pronarja mediatike amerikane tha në dy intervista të dhëna në SHBA se një ndihmësshitëse kishte refuzuar t'ia tregonte asaj çantën prej lëkure krokodili, duke thënë se ajo ishte "shumë e shtrenjtë" dhe duke e orientuar atë tek çanta të tjera më të lira.

Dyqani luksoz Trois Pommes mohoi të ketë diskriminuar Winfreyn, një afrikano-amerikane, e cila kërkoi që të shikonte një çantë "Jennifer", të projektuar nga Tom Ford dhe me emrin e aktores Jennifer Aniston. Pronari e shpjegon incidentin me një pengesë gjuhësore.

"Ky është një keqkuptim absolut klasik," tha pronari i dyqanit Trudie Goetz për Reuters të premten.

"Kjo nuk ka të bëjë asgjë me racizmin, unë jam këtu për të gjithë dhe blerësi është mbret."

Ndihmësshitësja kishte kërkuar t'i tregonte Winfreyt se kishte gjithashtu në dispozicion materiale të tjera, të cilat mund t'i kenë dhënë prezantueses përshtypjen se dyqani nuk donte t'ia shiste asaj, ka thënë Goetz.

"Sigurisht që nuk është rasti. Kush nuk do të donte të shiste një çantë për 35000 franga?" tha Goetz.

Trois Pommes operon në mjedise të ndryshme luksoze në Zvicër, duke përfshirë dyqanin Tom Ford në Zyrih, ku Winfrey tha se ajo u refuzua.

Winfrey, 59 vjeçe, e cila drejton rrjetin e saj televiziv, ka fituar 77 milionë $ këtë vit deri në qershor 2013, duke marrë vendin nr 1 në listën e më të fuqishmëve të Forbes famshëm muajin e kaluar, hera e pestë që ajo ka kryesuar renditjen vjetore.

Ajo gjithashtu shfaqet në një film të ardhshëm, "Butler", i cili shqyrton çështjet raciale në një histori rreth një afrikano-amerikani, i cili punon në Shtëpinë e Bardhë nën disa presidentë amerikanë.

Incidenti në dyqan shkaktoi një breshëri kritikash në Zvicër, ku media raportoi këtë javë se azil-kërkuesit nuk e kanë të lejuar lëvizjen e lirë në mjediset sportive publike siç janë pishina komunale, duke shkaktuar kritika nga grupi i avokimit Human Rights Watch.

Ministrja e Drejtësisë Simonetta Sommaruga mohoi ka pasur pengesa të veçanta pranimi për azil-kërkuesit.

Shoqata Zvicerane e Turizmit tha se i vjen keq për incidentin e çantës dhe se nuk ishte "asnjëherë e lumtur kur ndjenjat e mysafirëve tanë janë të lënduara".

www.voal-online.ch

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30