Daçiq kërkon rehabilitimin e Aleksandar Rankoviqit

nga **Agim Gashi** Tue Aug 20, 2013 5:16 pm

Daçiq kërkon rehabilitimin e Aleksandar Rankoviqit

Beograd, 20 gusht - Kryeministri dhe ministri i Brendshëm i Serbisë, Ivicia Daçiq, ka deklaruar sot se shefi i dikurshëm i UDB-së së Jugosllavisë, Aleksandër Leka Rankoviq asnjëherë nuk është rehabilituar politikisht dhe ka shtuar se pajtohet që ai të rehabilitohet.

“Thelbi i mënjanimit të tij në Plenumin e Brioneve më 1966 nuk kanë qenë akuzat e rreme se UDB-ja ka përgjuar Titon, por ka të bëjë me politikën që ishte e drejtuar kundër interesave të popullit serb dhe Serbisë”, citojnë mediet e Beogradit Daçiqin, i cvili sot ka vënë kurorë mbi varrin e Rankoviqit, në 30-vjetorin e vdekjes së tij.

Aleksandar Rankoviq dhe UDB-ja e udhëhequr prej tij, në Plenumin e Katërt të Lidhjes së Komunistëve të Jugosllavisë, të mbajtur në Brione të Kroacisë më 1 korrik të vitit 1966, ndër të tjera qenë akuzuar se kishin ndjekur një politikë shtypëse, represive ndaj shqiptarëve, që pati për pasojë mijëra të zhdukur e të burgosur si dhe detyrimin e tyre që të braktisin trojet shekullore dhe të emigronin në Turqi.

Pas shkarkimit të tij nga të gjitha funksionet (deri atëherë ishte personi i dytë, pas Titos, me pushtet më të fuqishëm) në Kosovë dhe viset ku jetonin shqiptarët në Jugosllavinë e atëhershme filloi një periudhë gjatë të cilës u bën përparime në arsim, kulturë dhe ekonomi dhe kjo zgjati deri më 1980.

KD

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30