Shpërfillet vendimi i ministrit, hapet Shpella e Gadimes

nga **Agim Gashi** Sun Sep 15, 2013 1:59 pm

Shpërfillet vendimi i ministrit, hapet Shpella e Gadimes

Prishtinë, 15 shtator - Pesë ditë më parë Ministria e Mjedisit mori vendim për mbylljen e përkohshme të Shpellës së Gadimes, për ta mbrojtur këtë pasuri natyrore të rëndësishme. Por, ky shirit i vënë pas këtij vendimi të ministrit Dardan Gashi, për ta mbrojtur këtë pasuri natyrore, nuk ka qëndruar aty as për një ditë.

Njeriu, i cili e ka menaxhuar vite me radhë shpellën e kristaltë, ka hequr shiritin duke mos respektuar vendimin e ministrit. Të gjithë ata që dëshirojnë t’i shohin kristalet me stalaktite dhe stalagmite i kanë dyert e hapura edhe pas këtij vendimi. Drejtori Nazif Tasholli nuk e ka ndërmendtë ta kthejë asnjë vizitor prapa, ngase nuk do të vlejë asnjë vendim. Me vendimin e Ministrisë për ndaljen e çdo aktiviteti brenda shpellës, nuk po pajtohen as banorët e fshatit Gadime. Ata thonë se Ministria nuk është dashur ta marrë këtë vendim, ngase, sipas tyre, nuk ka pasur ndonjë arsye shqetësuese për këtë. Ndërkaq, ajo e cila e mori këtë vendim, Ministria e Mjedisit, do t’i ndjekë procedurat ligjore për këtë mosrespektim të vendimit, transmeton KTV. Të hënën e kaluar kjo ministri kishte marrë vendim për mbylljen dhe ndalimin e të gjitha aktiviteteve në pasurinë natyrore me rëndësi të veçantë, Shpella e Gadimes , për një afat të arsyeshëm kohor.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30