Iu dha lamtumira e fundit Sokol Olldashit (Video)

nga **Agim Gashi** Thu Nov 21, 2013 6:35 pm

Iu dha lamtumira e fundit Sokol Olldashit (Video)

Percillet ne banesen e fundit Sokol Olldashi. Ceremonia ndjekur nga qindra te pranishem ne varrezat e Sharres, nen tingujt e muzikes funebre eshte mbyllur me fjalen e deputetit demokrat, Astrit Patozi, ish kreu i grupit te PD-se.

Lamtumira për Sokol Olldashin, Basha: Je e do mbetesh impuls e forcë, mik i përjetshëm!

Me nje mesazh lamtumire nga kreu i PD-se, Lulzim Basha jane mbyllur homazhet per nder te deputetit te ndjere Sokol Olldashi.
“Ti je e do të jesh për ne impuls e forcë, zë i dashur, deputet i popullit, mik i përjetshëm, djalë e një baba i pazëvendësueshëm”- tha Basha, gjate fjales se tij.
Homazhet u mbyllen ne oren 14.00, ne prani te qindra e qindra njerezeve qe kishin ardhur ta nderonin per here te fundit.
I pari qe nderon dhe perkulet para trupit te pajete ka qene kreu i PD-se, Lulzim Basha, shoqeruar nga bashkeshortja e tij. Basha eshte perlotur teksa ka nderuar dhe me pas ka lene mesazhin e tij ne librin e shenimeve.
Pas tij, homazhe kane bere ish kryeministrit Sali Berisha, shoqeruar nga zonja Liri Berisha. Me pas, ish kryeparlamentarja Jozefina Topalli, kreu i grupit parlamentar te PD-se, Paloka e me radhe kolege te gjithe forcave politike, te aferm, miq…

Kuvendi homazhe në nder të deputetit Sokol Olldashi

Kuvendi i Shqipërisë ka nisur rreth 11.45 homazhet në nderim të deputetit demokrat Sokol Olldashi, trupi pa jete i te cilit rreth ores 14:00 do percillet per ne banesen e fundit.
Politikanë, miq, përfaqësues të institucioneve si dhe qindra qytetarë, kolegë dhe miq, mes lotësh dhe dhimbjes marrin pjesë në homazhet për deputetin Olldashi.

Ish-kryeministri Sali Berisha e kreu i PD, Lulzim Basha, kreu i Kuvendit Ilir Meta, kreu i grupit parlamentar socialist Gramoz Ruçi, deputetë dhe personalitet të larta të vendit po zhvillojnë homazhe në nderim të deputetit Sokol Olldashi në mjediset e Kuvendit të Shqipërisë.
Pas homazheve ish-kryeministri Berisha, ish-kryeparlamentarja Topalli dhe kreu i grupit PS, Ruci dhanë një prononcim për mediat, ku i shprehën ngushëllimet familjes, miqve dhe të afërmve të Sokol Olldashit.

Berisha: Humbje e madhe për PD

“Humbje e madhe për PD. Një nga qeveritarët më eficientë, dhe politikanët më të mirë. Personalitet poliedrik i cili u shënua në memorien e kohës me vepra të pavdekshme. Shpreh ngushëllimet e mia më të sinqerta familje miq e të afërmve. Dua të them se Sokol Olldashi jeton dhe do të jetojë mes nesh me veprën trashëgiminë e tij me gjithcka ai bëri pë PD, vendin e kombin e tij” - u shpreh Berisha.

Gramoz Ruçi: I gjithë grupi i PS –për të nderuar Olldashin

“Është një humbje tragjike për familjen, bashkëshorten, fëmijë, politikën shqiptare, për opozitën, për politikanët shqiptarë. Pavarësisht se jemi kundërshtarë politikë, ne me dhimbje jemi të gjithë këtu si grup parlamentar, për të nderuar e respektuar si njeri, si politikan dhe si kundërshtar, vëllain, mikun, Sokol Olldashi”, tha Ruci.

Topalli: Olldashi me kurajo të jashtëzakonshme

“Kishte kurajo të jashtëzakonshme. Me një humor, simpati guxim. E kam dashur shumë kishte instikt politik të rallë. Ngushëllimet më të sinqerta mamasë së Kolit e cila e internuara duhej të kujdesej për Sokolin. Humbëm koleg të jashtëzakonshëm”- deklaroi Topalli.

Iu dha lamtumira e fundit Sokol Olldashit (Video) Luliolld