Kristaq F. Shabani

nga **Agim Gashi** Sat Dec 21, 2013 4:11 pm

TE BIBLIOTEKA E HARRUAR E “NAIMIT”

Biblioteka është pasqyrë e dijes, pasqyrë e mendjes njerëzore, ku thesarohen vlerat…
Pse ta keqpërdorim këtë vlerë?

nga Kristaq F. Shabani

Kristaq F. Shabani 960133_10152052775173186_1261712730_n

Shihja godinën lakuriqe dhe ndërkaq iu afrova bibliotekës së Përmetit . Hyra brenda. U shfaq Përgjegjësja e Bibliotekës, e cila, sikundër e di, është trajnuar si bibliotekare… dhe është e zonja.
Nëse kërkon të njohësh një vend, një qytet për gjendjen e tij, hyr në Bibliotekë të një qyteti dhe ajo pasqyron shkallën e kësaj gjendjeje ..
Ngricë. Kallkan …Akull…
E pse mjediset e ish Shtëpisë Ushtarakëve të mos përdoren për të vendosur në kushte normale Bilbiotekën e Përmetit të Naimit me 80000 tituj? Pse? Çfarë bëhet dhe ç’po ndodh ? Pse torturohet libri shqip në vendin e Naimit , Samiut , Abdylit të madh, Odise Paskalit, Elena Gjikës, Nonda Bulkës, Mentor Xhemalit, Laver Bariut, Vaskë Çurrit dhe e të tjerëve e të tjerave?!
Ndërtesa qan nga jashtë e qan nga brenda… 80000 tituj ka kjo bibliotekë. Gjirokastra ia kalon vetëm me 20000 tituj, ndërsa Tepelena dhe Erseka kanë 30000 tituj më pak… Pegasi ka dhënë kontribut në këtë fond libror, jo vetëm me dhurimet e krijuesve të tij , por dhe me politikën letrare të ndjekur në këta 16 vite të ekzistencës së vet!
Salla e demoduar, gjendje për të qarë hallin!Tavolina dhe karrike të kohës së kaluar. Asnjë ndryshim. Asnjë nuk vë dorën në këtë bibliotekë… Asnjë nuk merr nisiativën për të paraqitur këtë gjendje katastrofë… A mund të frekuentohet kjo bibliotekë në këtë gjendje të lemerisur? Ku janë fondet? Ku kanë shkuar? Dhe lyerja e mjedisit bëhet me forcat e “veta”… “Lum si n a….Lum si na…” thotë kënga. Biblioteka është pasqyrë e dijes, pasqyrë e mendjes njerëzore, ku thesarohen vlerat… Pse ta keqpërdorim këtë vlerë?
Turp, tashmë , kur çdo shtëpi shqiptare ka kompjuter, bilbioteka e qytetit të Përmetit s’ka asnjë! A s’duhet kompjuteri në bibliotekë. Si lidhet kjo bibliotekë me Bilbiotekën Kombëtare të Shqipërisë?! Dhe flasim për logjistikë, për internetikë, për regjistrim elektronik të fondit libror… Flasim dhe s’hidhet hap!... O njerëz, kaq vjet tranzicion dhe gjendje e mjerueshme e bibliotekave . Qyqja për librat që mbajnë këto gravura !
Përgjegjësja e Bibliotekës skuqet nga gjendja e kësaj bilbioteke. E çfarë mund të flitet pastaj për të organizuar takime me shkrimtarë, poetë në këtë sallë, për të organizuar prezantime librash me vlerë? Pa le për të organizuar konferenca letrare e tjerë… Si mund të tërhiqen lexuesit në këto mjedise hiçmjedise? Çfarë është bërë nga pushteti vendor në këto vite për bilbiotekën, për mjediset e saj, kur gjatë katër vjetëve të mëpërparshëm pushteti vendor ishte i lidhur me pushtetin qendror, pasi ish kryetari ishte anëtar i PD? Çfarë bëjnë deputetët?!
Pyetja ime ishte direkte: “Sa pushtetarë të lartë e kanë parë këtë gjendje dhe sa lexues janë pushtetarët vendorë? “
Përgjigjja ishte: “Ulje syri!”
Simboli i kuptueshëm…
“Pika, pika neve!- thonë plakat e mençura të Jugut… - Pse s’na bie çatia mbi kokë?!”
Si njeri që i dhimbset libri dhe leximi, pasi jo vetëm si shkrimtar , por edhe si titullar i LNPSHA “PEGASI” Albania, u ndjeva shumë keq, sikur unë dhe gjithë krijuesit e kishim fajin për këtë gjendje. Dhurova librat dhe dola jashtë fytyrskuqur, bashkë me ata që më shoqëronin…E ngre për herë të dytë këtë problem dramatik…
Bibliotekës së qytetit të Përmetit iu dhurua neoromani “LODRIMI I MADH I VDEKJES” DHE “GJIROKASTRA NË EPOPE”…

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30