Kimete Berisha:Karburant-dieta e Edi Ramës!

nga **Agim Gashi** Sat Dec 21, 2013 9:48 pm

Kimete Berisha:Karburant-dieta e Edi Ramës!

Më i trashë se dje, e më i hollë se nesër, Edi Rama me kravatë ngjyrë jargavani ish ulur në mesin e do enveristave pleq që rrinin në këmbë dhe ua spjegonte atyre arsyen pse qeveria ka vendosur të shtrenjtojë karburantet!

Një plakë e mesme, me një pallto pembe pohonte të gjitha fjalët e kryeministrit të saj, duke lëvizur kokën 'për po', kishe 'mirë e ka' kryeministri!
Populli duhet të mbajë dietë!

Prapa shpinës gjigante të kryeministrit shqiptar shihen do shkallë të vjetra e shumë të ngushta, që duket se shërbejnë vetëm për të zbritur teposhtë, jo për t'u ngjitur lart!
Kryeministri tallet.
Thjesht tallet dhe s'di pse për medium kish zgjedhur ata pleq që s'janë shoferë të askujt!
Ai i urren pleqtë baras me vdekjen! Se, pleqtë ia asocojnë fundin e shkallëve prej guri e prej druri! Por, pleqtë që e ndjeknin ligjeratën e Edi Ramës për gjimnastikë dhe shetitje, të gjithë ishin okey. Asnjëri s'ish më i trashë se kryeministri i tyre!

Arsyeja pse janë ngritur çmimet e karburanteve është arsye e natyrës estetike, që ka të bëjë me fizkulturën dhe fitnesin!

Populli kanë dyfishuar peshën trupore, prandaj duke ngritur çmimet e karburanteve, populli i kthehet këmbëve të veta, dhe kur populli ec me këmbët e veta, e jo me vetura, edhe humb në peshë trupore, edhe lulëzon gjelbërimi, edhe kthehet humori, edhe zgjatet jetëgjatësia.

Mbipesha është tregues i një standardi të lartë jetësor. Por, mbipesha është edhe tregues depresioni dhe injorimi, tregues që 'nuk mërzitesh për të tjerët', dhe nuk të intereson çfarë mendojnë të tjerët për ty 'dukesh bukur apo jo'! Kështu i ndodhi Marlon Brandos. Ish bukuroshi, pasi refuzoi çmimin Oskar, hëngri çfarë i doli përpara, derisa u bë vet i dhjeti!
Askush nuk është aq i hollë sa ka qejf kryeministri!
Populli, mbi të gjitha duhet të duket bukur!

Arsyet për shtrenjtimin e karburanteve nuk janë pasojë e krizës ekonomike, por pasojë e mbipeshës popullore!

Kryeministri kurrë nuk u duk më i shkretë se dje, si menaxher klubi i fitnesit 'guru' që e ka zbuluar një metodë të re për ta detyruar popullin që të humb në peshë me 'karburant dietën'!

Po them: kryeministri i ulur, i rrethuar me plaka e pleq që i rrinin 'pip' në këmbë përpara tij.
Çfarë pamje!

Po fati që janë pleq e disa nuk e kanë dëgjuar mirë çfarë tha, e disa nuk e kanë parë mirë si dukej!

Rilindja kushton shtrenjtë! Prandaj, qeveria shqiptare po këqyr që ta heq edhe shpërblimin për foshnjet e posalindura!

Për të dalë nga errësira në rilindje, populli shqiptar së pari po kthehen në 'vitet e errësirës', në mesjetë!
Se rilindasit edhe ashtu nuk kanë pasur rrugë, lëre më vetura!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30