JAKUP KRASNIQI PËRMEND KURDISJET E ORGANIZIMEVE MAFIOZE PËR RASTIN E TIJ

nga **Agim Gashi** Sun Dec 22, 2013 10:29 pm

Nga Express | 22 Dhjetor 2013

Jakup Krasniqi ka ndërlidhur intervistimin e tij nga EULEX'it me kurdisjet e organizimeve mafioze. Por, ai nuk ka treguar se kush i ka bërë kurdisjet dhe as kush janë organizimet mafioze që ia kanë ndrequr kurthin në EULEX. Sidoqoftë, ish-Zëdhënësi i UÇK'së ka thënë se është krejtësisht i pastër për atë që ka bërë në shërbim të Kosovës.

Jakup Krasniqi ka thënë se s'kërkon kurrfarë përkrahje dhe mbështetje për kurdisjet dhe kombinimet e ndonjë organizimi mafioz

Në këtë formë, Krasniqi ka reaguar për herë të dytë, pas është intervistuar nga EULEX'i nën dyshimet për krime të luftës.

Në një shkrim të publikuar në Facebook, Krasniqi ka thënë se për sa kohë është duke i shërbyer Kosovës s'ka asnjë veprim që ka rënë ndesh me ligjet ndërkombëtare dhe as me traditën kombëtare.

"Për angazhimin tim politik dyzetvjeçar në shërbim të kombit e të atdheut, për çdo veprim a mos veprim timin në çdo etapë të këtij angazhimi e veprimi me përkushtim, nga askush e më nga askush nuk kërkoj mbështetje a përkrahje e më se paku e kërkoj këtë mbështetje për shpifjet, kurdisjet e kombinimet e pista të ndonjë organizimi mafioz", ka shkruar Kransiqi.

"Jam më se i bindur se në asnjë fazë të veprimit tim politik, përfshirë edhe veprimet e mija në luftën çlirimtare nuk ka e nuk mund të gjendet asnjë veprim që ka rënë ndesh me ligjet ndërkombëtare të luftës a normën e traditës sonë kombëtare", ka shtuar ai.

Krasniqi ka falënderuar Zotin dhe ka shkruar se për punën që ka bërë në shërbim të Kosovës është frymëzuar nga mendjet e ndritura kombëtare dhe botërore.

"Edhe vitet e burgut, në shpirtin tim e kanë forcuar humanizmin dhe dhembshurinë.

Sigurisht që këtë ma ka mundësuar edukimi im familjar dhe atdhetar, të marr me dashuri nga mendjet më të ndritura të kombit e pse jo edhe nga mendjet më te ndritura të lëvizjeve revolucionare botërore e të mendimit politik botëror. I falënderohem edhe Zotit që më ka lindur dhe mi ka hapur rrugët e veprimit atdhetar, të njerëzishëm e human për ti shërbyer me devotshmëri kombit dhe atdheut tonë dhe jo vetëm atëherë kur kërkohen e gëzohen privilegjet", ka shkruar ai

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30