SKËNDER ZOGAJ:UNË JAM DËSHMITARI

nga **Agim Gashi** Wed Feb 05, 2014 3:11 pm

SKËNDER ZOGAJ:UNË JAM DËSHMITARI
(Letër presidentit Ibrahim Rugova, Tiranë, 29.06.1994)

Mes zogjve dhe korbave
unë jam dëshmitari,
o Pjetër Bogdani -
me sytë e mi e pashë
kur piku fiku që e mori i ligu
dhe iku...

Unë jam dëshmitari.
Zvarranikët kanë ngjeshur shpatat
dhëmbin e ujkut e kanë vath në vesh,
në qafë thonjtë e maces.
Gjithë lakejt e vilajetit
janë veshur me sharkun e gjarprit
i kanë edhe maskat e pallatit të mbretit,
o Zot, kur të dalin në skenë -
ç'dramë e tmerrshme e sprovës
do të luhet në trupin e Kosovës.

2.
Qëllomëni, o rrufe të akullta,
të ngrihem,
trupin në grimca
erërat të ma përhapin
anëve të botës.
Nuk rri cjap
me thikë në qafë
midis lajkatarëve e horrave.

Unë jam dëshmitari
i mprehjes së thikave të helmta
nga Tirana te fontana e Prishtinës...
Hapi sytë, o Pjetër Bogdani,
Vallja e Hiles
po të luhet prapa shpinës!

3.
Ujkut Thinak i kulluan sytë gjak
për Kalin e Kuq,
që bëri puç por i shkoi mundi huq.
Symiu, Macja, Krraba dhe Kërriçi
po të sillen si pordha nëpër tirqi,
(i hëngërt dreqi)
sikletin për atdheun fatkeq
e zbusin me fiq, raki e me përpeq.

Unë jam dëshmitari
Protestoj, akuzoj,
kurrë nuk pranoj
lojë me gjakun e dallëndysheve.
Drita e madhe në ballin e Lakuriqëve
është e shpifur, o Mesi -
kullon zhgjyr Duarsh të Ndyta -
i mjeri u’për ty!

Nga vellimi poetik "Ora e qoftelargut", 1978)

SKËNDER ZOGAJ:UNË JAM DËSHMITARI 182097_10200303616092991_1559577021_n

SKËNDER ZOGAJ:UNË JAM DËSHMITARI 182097_10200303616092991_1559577021_n

nga **Agim Gashi** Wed Feb 05, 2014 3:15 pm

KOLONEL AHMET KRASNIQI PER NGJARJET NE KOSOVE PAS VITIT 1989
(Fragment nga dorëshkrimi "Shkaqet kryesore të luftës në hapësirën e ish-jugosllavisë")

... tek institucionet kulturore-shkencore të Kosovës, Akademia e Shkencave dhe Arteve të Kosovës, Lidhja e Shkrimtarëve të Kosovës, Instituti Albanologjik, e të tjera institucione, si dhe te një pjesë e mirë e administratës civile që në Kosovë me shumicë përbëhej nga shqiptarët, propaganda informative serbe nuk arriti të depërtonte sepse, shqiptarët ishin dëshmitarët e realitetit që ishte krejtësisht ndryshe nga ajo që proklamohej nga ana e medieve të instrumentalizuara serbe.
Mirëpo, propaganda serbe arriti efekte të mëdha mashtruese te opinioni i saj i brendshëm dhe i jashtëm, që për një kohë bie nën ndikimin e kësaj propagande dhe i shërbeu asaj verbëisht. Fushata serbe pas vitit 1989 ishte plotësisht e ngjashme me fushatën ushtarake që iu bë shtypjes së Revolucionit të Drenicës në vitin 1945 ose, ate te kohes së aksionit famëkeq të “grumbullimit të armëve” në vitin 1956

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30