Çifti i moshuar i jep fund jetës pasi nuk donin të bëheshin barrë e askujt

nga **Agim Gashi** Sun Feb 23, 2014 11:41 pm

Një çift i moshuar Glenys 88 vjeç dhe Royston Smith 91, vendosën t'i jepnin fund jetës duke u hedhur nga kati i dytë i ndërtesës ku banonin. Ata i lanë një letër të dhimbshme dy djemve të tyre, ku i shkruanin se “kjo është mënyra më e mirë”, pasi nuk duan të jenë barrë e askujt.
Vendimi tragjik erdhi pasi ata nuk mundnin të kujdeseshin më për veten e tyre, ndërsa nuk mund të ndaheshin nga njëri tjetri.
Glenys dhe Royston, nga Bournemouthi i Anglisë, hipën në dritaren e dhomës së gjumit, në dhjetor të vitit të kaluar.
Ndërsa policia së fundmi ka publikuar letrën që prindërit u lanë fëmijëve në kuzhinë, ku shkruante: “Na falni djem por kjo është mënyra më e mirë. Shumë dhembje”.
Glenys dhe Royston kishin shumë probleme shëndetësore, për çka ishin të detyruar të shpërngulen në një shtëpi të moshuarish edhe pse ishte diçka që asnjëherë nuk e kanë dashur, raporton Mirror.
Çifti ishte martuar 67 vite më parë, dhe duheshin aq shumë sa nuk mund të jetonin pa njëri-tjetrin.
Djali i tyre Michael, tregon se: “Gruaja më thoshte se babai nuk mbijeton nëse nëna vdes. E kuptoj dëshirën e tyre që të jenë bashkë, por jo edhe mënyrën se si. Ata ishin dhe mbetën të pandarë” shprehet Michael.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30