Prof. Xhabir Hamiti:MEGA IFTARET NË SHOQËRINË E VARFËR TË KOSOVËS

nga **Agim Gashi** Fri Jul 25, 2014 11:36 am

Prof. Xhabir Hamiti:MEGA IFTARET NË SHOQËRINË E VARFËR TË KOSOVËS

“Hani dhe pini , por mos e teproni.. Zoti nuk i donë mastrafxhinjët”
Kur`an :el-Earaf : 31)

Prof. Xhabir Hamiti:MEGA IFTARET NË SHOQËRINË E VARFËR TË KOSOVËS ZK1A00491

Gjatë këtyre ditëve të shenjta të Ramazanit , por edhe gjatë Ramzaneve të mëhershme, kemi qenë dëshmitarë të organizimeve të shumta të iftareve publike spektaktulare, qoftë nga individ të caktuar apo edhe nga organizata të ndryshme; të brendshme dhe të jashtme, të cilat nuk e harrojnë as Logon e tyre që t`a vendosin para mysafirëve, për t`i treguar donatorit financues se donacioni i tij shkoj në vend, dhe se ja këta ishin mysafirët e Iftarit të tij.
Askush nuk e konteston hijeshinë dhe shyhretin e një iftari të përbashkët dhe kolektiv, sepse fundja qëllimi i agjërimit shtrihet edhe në aspektin social. Mirëpo, personalisht mendoj se, ata që kanë gjendje të mirë ekonomike duhet të shtrojnë iftare e të thirrin familjarët dhe miqët e tyre të afërt dhe të largët, por nga ajo që shihet në të tilla organizime deri më tani, është se aty po ftohen aq shumë njerëz që kryesisht janë në pozita larta në shoqëri, ose që kanë gjendje stabile ekonomike, duke shpenzuar mija euro në ushqime e pije, në një vend dhe në një shoqëri ku shumë familje tona po vuajnë edhe për kafshatën e bukës, ndërsa shumë të tjerë nuk po kanë edhe kulm mbi kokë.
Kjo formë e organizimeve të iftareve mendojë se është veprim i yni i pa matur e njëkohësisht edhe në kundërshtim me mësimet dhe porositë fetare islame.
Fetarisht, por edhe moralisht është e ndaluar që të bëjmë kaq shpenzime “ për mashallah”, kurse në anën tjetër t`i anashkalojmë tërësisht të varfrit, dhe për ta të na bie ndërmend vetëm kur vjen koha e Sadaka Fitrit në fund të Ramazanit.
Në një thënie të tij Muhamedit a.s. na ka tërhequr vërejtjen se: “Një besimtar nuk do t`a ketë besimin e sinqertë, përderisa ai mbush stomakun e tij deri në fund, kurse zorrët e fqinjit të tij kërcasin nga uria “.
Në iftaret masive duhet të përfshihen të varfëritë në rend të parë, dhe jo gjithmonë vetëm të priveligjuarit dhe njerëz të interesit.
Ende nuk kam dëgjuar se dikush në vendin tonë ka thirrur eksluzivisht të varfrit në mënyrë kolektive në ndonjë restorant ekskluziv, për t`i gëzuar dhe për t`i nderuar qoftë edhe pak qaste sa edhe zgjatë iftari.
Ata që kanë të mira materiale duhet të mendojnë për ata që nuk kanë. Një njeri që nuk mendon për shoqërinë e gjerë, ai as nuk është qytetar i mirë, por as besimtarë i ndërgjegjshëm i Zotit.
Me këtë assesi nuk dua të mohojë zemërgjerësinë e atyre që ftojnë shokët dhe dashamirët e tyre në mega iftar të përbashkët, por dua t`u rikujtojë që krahas familjarëve dhe miqve të tyre, mos t`i harrojnë edhe të nevojshmit e shumtë në shoqërinë tonë, me të cilët bashkëjetojmë dhe ndajmë përditshmërinë tonë.
Zoti na ndihmoftë në të mirë dhe në të mbarë !

Prof. Xhabir Hamiti:MEGA IFTARET NË SHOQËRINË E VARFËR TË KOSOVËS 1

Prof. Xhabir Hamiti:MEGA IFTARET NË SHOQËRINË E VARFËR TË KOSOVËS 1

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31