Deputetja e PD’së: Shamia pjesë e kulturës së popullit tim

nga **Agim Gashi** Fri Sep 12, 2014 6:16 pm

Deputetja e PD’së: Shamia pjesë e kulturës së popullit tim

Deputetja më e votuar femër e PD’së në listën e PDK’së, Labinotë Demi i reagon deputetes së LDK'së, e cila ka deklaruar se votuesit e saj janë arabë pasi që kërkojnë të drejtën e mbulesës.

Demi duke potencuar se përfaqëson idenë dhe kulturën e popullit të saj, thotë se e drejta e shamisë është e garantuar me ligj ndërkombëtar.
Ajo po ashtu, i ka bërë me dije deputetes së LDK'së se PD dhe kryetari i saj Ferid Agani po bëjnë politikë të shëndoshë demokratike, dhe se veprimet e tyre janë gjithmonë konform Kushtetutës.
Lexoni të plotë reagimin e Labinotë Demit në Facebook:
“Duke u nisur nga fakti se Politika është përgjigje ndaj problemeve të shoqërisë me anë të vendimeve të detyrueshme për gjithë shoqërinë, është marrëdhënie ndërmjet njerëzve, grupeve a shoqërive lidhur me vendime a mos vendime të detyrueshme për gjithë shoqërinë ose ndërmjet shoqërive, si dhe për zbatimin dhe ndryshimin e këtyre vendimeve (citat), unë si pjesë e kësaj shoqërie e zgjedhur nga populli im, përfaqësoj pikërisht idenë dhe kulturën e popullit tim, e që sipas koleges Znj. Alma Lama, votuesit e mi qenkan Arabë vetëm pse kërkojnë të drejtën e mbulesës, atë që kërkuan edhe iluministet tanë dikur, dhe atë që sot është e garantuar me ligj ndërkombëtar (Evropian).
Meqë e nderuara Alma Lama ka apostrofuar edhe PD-në dhe liderin e saj Prof.dr.Ferid Aganin, i them se kryetari im është duke bërë një politikë të shëndoshë dhe gjithëpërfshirëse të mendimit demokratik, e qe njëra nga brengat më të mëdha është respektimi i të drejtave dhe lirive të njeriut, të drejta këto të garantuara me Kushtetutën e Republikës së Kosovës.”

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30