Imam Edin Gjoni - hoxha që u duartrokitë më shumë nga të krishterët

nga **Agim Gashi** Wed Oct 01, 2014 6:08 pm

Imam Edin Gjoni - hoxha që u duartrokitë më shumë nga të krishterët

Në një darkë madhështore, ku Presidenti i Shqipërisë Shkëlqesia e Tij Bujar Nishani, u pritë mjaft ngrohtësisht nga komuniteti shqiptar i Amerikës në Nju Jork, janë vlerësuar lartë marrdhëdhënjet e shkëlqyera Shqipëri - Shtetet e Bashkuara të Amerikës - si dhe bashkëjetesa fetare në Shqipëri, dhe tek shqiptarët kudo që janë.

Darka u mbajtë me rastin e dekorimit me medaljen më të lart "Flamurit Kombëtar" Federatën PanShqiptare të Amerikës VATRA - si dhe Presidentin e nderit Agim Karagjozi së bashku me kryetarin aktual të Vatrës Dr Gjon Buçaj nderuar me dekoratën "Nderi i Kombit"
Në fjalën e tij në darkën e Vatrës - me komunitetin shqiptarë në Nju Jork, kreu i shtetit shqiptarë ndërsa vlerësoi kontributin për promovimin e Shqipërisë dhe Kosovës në SHBA - i dha një vlerësim tjetër edhe bashkëjeteses fetare tek shqiptarët, të cilat ai i quajti si shembullore për gjithë njerëzimin me origjinë shekullore.
Presidenti i Shqipërisë Shkëlqesia e Tij Bujar Nishani - ka përshendetur me këtë rast edhe fjalën përshëndetëse, të Imam Edin Gjonit, i cili foli në emër të të tre besimeve fetare në komunitet.Imam Gjoni, iu drejtua me këtë fjalë rasti kryetarit të Federatës PanShqiptare Vatra, njëherazi organizatorrës së kësaj mbrëmje, z.dr Gjon Buçaj, kryetarit të Republikës së Shqipërisë, z. Bujar Nishani, të zonjës së Parë, Odeta Nishani, përfaqsuesit të Asamblesë së Shtetit të Neë York-ut, z. Mark Gjonaj, përfaqësuesve të shtetit të Shqipërisë dhe Kosovës - të gjithë të pranishmëve.
Fillimisht, ai dëshirojë, t'ia shprehi kryetarit të Republikës së Shqipërisë , z. Bujar Nishani mirëseardhjen më të ngrohtë në emër të Qendrës Islame Shqiptare në Queens, ku vetë ai shërben si Imam - Mirëseardhjen më të ngrohtë edhe në emër të kolegëve dhe vëllezërve të mi, Dom Pjetër Popaj famullitarit të Kishës Zoja e Shkodrës, dhe At Nathan Preston, famullitari të Kishës Ortodokse Shqiptare të Shën Nikollës në New York, të cilët ishin në pamundësi të jenë sonte këtu në mesin tonë, u shpreh Imami.
Imam Edin Gjoni në fjalën e tij vlerësoi gjithashtu arritjet e Shqipërisë vitetet e fundit, duke thënë se :"Ardhja e juaj, kryetar, pamasë na gëzon, e sidomos kur vini me freskinë e sukseseve të reja. Nga viti që shkoi , kur patëm rastin të takohemi pikërisht në këtë vend në një mbrëmje, si kjo, e deri sot, tha ai Shqipëria eci dukëshëm përpara, sidomos në rrafshin e politikës së jashtëme, ajo fitoi statusin e kandidatiti për në BE, asaj i ritheksohet në Berlin rëndësia e saj kruciale në Ballkan".
Javën që kaloi, Shqipëria, kishte nderin që të jetë vendi i parë në Europë, të cilin Papa Francesku e viziton tha Imam Edin Gjoni i Qendrës Islame Shqiptare në Queens, duke shtuar se kjo nuk ndodh rastësisht, por ngase është vendi, i cili shquhet në nivel planetar jo vetëm me bashkëjetesë fetare, por edhe me vëllazëri në mes feve, si e tillë neve shërbejmë si model për botën" u shpreh Imam Gjoni.
Ai pohoi se kjo vëllazëri, është një nga margaritarët më të çmueshëm që e kemi trashëguar nga të parët tanë, ndërsa këshilloi se " Me xhelozi duhet ruajtur dhe përccjellur brezave që vijnë, mbasi shpresojë tha Imam Gjoni, se nuk i'a teproj nëse them se këtë trashëgim duhet ngritur në simbol të kombit, ashtu sikur ngrisim lart këtë flamur. Neve të tre: Dom Pjetër Popaj, At Nathani dhe vetja ime, theksojë Imam Gjoni - jemi ky gur i çmuar dhe i rrallë i mozaikut të unitetit - të quajtur Shqipëri, dhe, kështu do të mbesim, dhashtë Zoti gjithëmonë!".

Në fund ai u lut duke thënë "I lutem Zotit t'a bekojë Shqipërinë, Kosovën dhe shqiptarët kudo që janë. T'i bekojë Shtetet e Bashkuara të Amerikës, këtë vend për të cilin Zoti e ka lidhë me fatin e vendit tonë dhe popullit tonë".

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30