Një poezi e pabotuar e poetit Shaban Cakolli

nga **Agim Gashi** Sun Oct 12, 2014 9:39 pm

Një poezi e pabotuar e poetit Shaban Cakolli

Redaksi e nderuar e revistës AlbPlanet! Të dashur miq, lexues!
Jam Imri Trena, dëshiroj që tani e tutje të bashkëpunoj me Redaksinë tuaj...
Në mbrëmjen e datës 27 korrik siç e dini edhe ju e lexuesit, u nda prej nesh i urti e i çmuari miku krijues, Shaban Cakolli. Ai ka qenë dëgjues i rregullt i Radio "Zëri i Arbërit" në Norvegji dhe bashkëpuntor i frytshëm i yni. Në vend të In Memoriamit, po ua dërgojmë këtë poezi të shkruar nga dora e tij, (e pabotuar), të cilën e ka dërguar më datën 3 janar, 2014. I përjetshëm qoftë kujtimi për mikun Shaban Cakolli. (Gjithsesi juve Redaksi e nderuar ju mbetet të vendosni për këtë).
. . .
Shumë i nderuari veprimtar, poet dhe bashkëatdhetari ynë z. Imri Trena, përshendetje!
Ne jemi të nderuar që të ju kemi bashkëpunëtorë të Revistës elektronike "AlbPlanet". Njëherit edhe shumë më te nderuar ndjehemi se ky bashkëpunim yni fillon me dërgimin e një poezie të papublikuar të mikut tonë te ndjerë dhe ish bashkëpunëtorit të zellshëm të kesaj Reviste, poetit dhe publicistit Shaba Cakolli.
Urojmë qe të kemi një bashkëpunim sa me të frytshëm! Mirëardhëshi!

Stafi i Revistës "AlbPlanet"
. . .

Shaban CAKOLLI

USHTARI DARDAN
(Sali Çekaj)
Si të shkruaj me pak vargje
personalitetin tënd
I madhi, ushtari Dardan?
Vëlla i dashur, i ngrohëti mik
njeri i idealit, i veprimit praktik
gjeniu ynë gjigant
prijës e komandant
nga luksi i mërgimit, në Atdhe shkove
popullit liridashës iu bashkove
- Qëndroni burra, qëndroni!
- Bashkë do jemi, si mishi e thoni!
- O i madhi azgan malesh
zemrën për liri të etshme
Në betejat e Koshares
Shkjaut i vulose ,vdekjen e përhershme

Në togun e Adem Jasharit
Agim Ramadanit, e shumë trimave për liri
U bëre fanar, plot shkelqësi
- Me ju jam, isha, do të jem deri në pavdekësi!

I madhi, i dashuri mik
liridashësi fisnik
Dardanisë i bëre, histori dhe dritë
Liridashësi ynë, i dashur urtak
Dukagjin, LLap e Gallap, të patën komandant.

Në emrin tënd frymon; gjaku ynë ndër deje
gjeni dhe rrënja jonë, u ruajtën fal teje;
krenaria jonë, krenaria e brezave
i gjallë për jetë e mote, Sali Çekaj!

p.s.
Poezinë po ua dërgoj pa ndërhyrje, ashtu siç e ka
dërguar i ndjeri miku ynë Shaban.
Shëndet e suksese të dashur miq! Ju faleminderit për punën
tuaj me vlerë të cilën e bëni për neve, ju jemi mirënjohës.
Me respekt, Imri TRENA

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30