Qelizat seksuale u shitën nga 800 euro në “Global Hospital”

nga **Agim Gashi** Tue Nov 18, 2014 12:57 pm

Rreth 800 euro dyshohet se është vlera që institucioni privat “Global Hospital” u ka ofruar qytetarëve për të blerë qelizat seksuale mashkullore (spermatozoidet) dhe për qelizat seksuale femërore (vezoret).

Në këtë spital gjithashtu dyshohet se është bërë dhurimi i materialit trashëgues pa dijeninë e çifteve që kanë pranuar këtë “donacion gjenetik” të qytetarëve. Qytetarët të cilët kanë shitur “materialin e tyre gjenetik” këtë nuk e kanë bërë vetëm një herë. Shitje-blerjet i kanë bërë për disa herë me radhë.
Prokuroria Themelore e Prishtinës po dyshon se qytetarët me gjendje të rëndë sociale janë manipuluar nga ky spital dhe si pasojë kanë shitur materialin e tyre gjenetik. Me udhëzimin administrativ 06-2013, të Ministrisë së Shëndetësisë (MSh), për Frytnimin Artificial është i ndaluar kompensimi material i një personi i cili vendos që t’ia japë ndonjë çifti materialin e tij gjenetik.
Sipas këtij udhëzimi administrativ vetëm shpenzimet logjistike të donatorit mund t’i kompensojë spitali dhe në asnjë mënyrë që të paguajë për këtë material. 1-Dhurimi i qelizave gjinore bazohet në dhurimin vullnetar dhe pa kompensim. 2- Marrëveshja për dhurimin e qelizave gjinore e lidhur në kundërshtim me paragrafin 1 të këtij neni është e pavlefshme dhe kundërligjore.
Shpenzimet materiale lidhur me transportin e dhuruesit deri në vendin e dhurimit, analizat e bëra, koha e humbur nuk konsiderohen kompensim”, është e përcaktuar me nenin 19 të këtij Udhëzimi administrativ.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30