Pas Nju Jorkut, Thaçi e Mustafa te Jahjaga

nga **Agim Gashi** Thu Dec 04, 2014 12:52 pm

Më tu kthyer nga Nju Jorku, Hashim Thaçi dhe Isa Mustafa pritet t’i shkojnë në vizitë sërish presidentes Jahjaga, ku nuk përjashtohet hapja e debatit rreth postit të presidentit. Pas atij takimi, jo vetëm që do të kuptohet fati i vazhdimit të koalicionit PDK-LDK, por nëse marrëveshja vazhdon, edhe ndarja e posteve kryesore.

Presidentja Atifete Jahjaga pritet të jetë sërish nikoqire e një takimi ndërmjet liderëve të PDK-së dhe LDK-së, posa kryeministri në largim Hashim Thaçi të kthehet nga Nju Jorku. Në atë takim, burime të gazetës Tribuna, thonë se do të diskutohet për pozicionet kryesore që do të ndahen ndërmjet PDK-së dhe LDK-së, ku do të dëgjohet edhe qëndrimi final i presidentes Jahjaga rreth synimeve të PDK-së për të marrë postin e presidentit të shtetit.
Nënshkrimi i marrëveshjes PDK-LDK për bashkëqeverisje dhe ndarje të posteve do të duhej të nënshkruhej para seancës së 8 dhjetorit. Në të kundërtën, sërish procesi do të rrezikohej dhe gjithçka mund të kthehet në pikën zero. Deklarata parimore e nënshkruar ndërmjet Hashim Thaçit e Isa Mustafës tregon zotimin dhe gatishmërinë për bashkëqeverisje, por jo edhe ndarjen e posteve kryesore, ku përfshihen ai i kryeministrit, kryetarit të Kuvendit dhe madje ai i presidentit, ndonëse Jahjaga ka mandat deri në mesin e vitit 2016.
Në procesin aktual të formimit të institucioneve, PDK aktualisht ka një pozicion më të mirë sesa në periudhën e pas 10 qershorit, kur ish-Blloku LVAN e kishte bojkotuar atë duke e lënë pa asnjë parti partnere në përbërjen e re të Kuvendit.
Tani PDK shihet si partia më e madhe dhe grupi më i madhe parlamentar, kështu që për t’i realizuar kërkesën Isa Mustafës për postin e kryemisntrit, kërkon që ta ketë për vete atë të presidentit dhe të kryetarit të Kuvendit.
Problemi qëndron te fakti se Jahjaga ka mandat, kurse me Kushtetutë nuk përmbushen asnjë nga kushtet që ajo të dorëhiqet për t’i lëshuar rrugë formimit të institucioneve.
Nga zyra e Presidencës, zëdhënësi Arbër Vllahiu kishte konfirmuar se mandati kushtetues i Jahjagës përfundon jo më herët se në vitin 2016.
Gazeta Tribuna ka kontaktuar edhe më burimet e veta ndërkombëtare në Prishtinë të cilat kanë thënë se janë të njoftuar me pazarin ndërmjet PDK’së dhe LDK’së dhe një lloj kushtëzimi që jëtësimi i marrëveshjes ndërlidhet edhe me postin e presidentit të shtetit.
Të njëjtat burime kanë deklaruar se kanë kontaktuar taborre të dyja partive, ku si zgjidhje ishte premtuar edhe mundësia që Isa Mustafa të kalojë në postin e kryetarit të Kuvendi, kurse Hashim Thaçi të vazhdojë mandatin e tretë të kryeministrit.
Kjo zgjidhje, do të lentë të paprekur postin e presidentes, kanë thënë këto burime.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30