I vihet zjarri xhamisë shqiptare në St. Gallen

nga **Agim Gashi** Sun Dec 07, 2014 9:14 pm

Nga larg ata kanë parë se nga ndërtesa e xhamisë dilte tym. Kur janë afruar te ndërtesa kanë parë se një pjesë e konsiderueshme e xhamisë ishte përfshirë nga flaka ndërsa nga pjesë të tjera dilte vetëm tym.

Ata kanë alarmuar zjarrfikësit dhe policinë. Pak më vonë, në vendin e ngjarjes kanë ardhur zjarrfikësit dhe e kanë shuar zjarrin, por dëmet e shkaktuara nga zjarrvënia janë të konsiderueshme.
Policia në Flums, St. Gallen thotë se persona të panjohur kanë hedhur dy bomba “koktej molotovi” pasi kanë thyer derën prej qelqi të xhamisë. Kjo xhami vepron në kuadër të Bashkësisë Islame Shqiptare të Zvicrës.
Siç tregon Imami Musliu, i cili në këtë xhami punon prej pesë vitesh, një gjë e tillë nuk ka qenë aspak e pritur nga komuniteti i besimtarëve.
“Kemi raporte shumë të mira si me komunën ashtu dhe me bashkësitë tjera fetare dhe me qytetarët e këtushëm”, thotë imami.
“Objekti ka qenë i blerë nga komuniteti me vetëkontribut. Komuniteti është tronditur me të drejtë pasi që ky objekt ka qenë ambient ku kanë frekuentuar rreth 300 besimtarë dhe po ashtu mbrëmjeve është mbledhur rinia për tu takuar dhe argëtuar me lojëra shoqërore. Po ashtu në lokalet e xhamisë janë duke ndjekur mësimet fetare afër 300 nxënës”, plotëson hoxhë Musliu.
I pyetur nga “albinfo” për masat eventuale të sigurisë që mund të marrin pas këtij akti, ai thotë: “Nuk do të marrim masa shtesë për sigurinë sepse kjo është shtëpi e zotit dhe nuk e kuptojmë përse dikush mund të ketë motiv për ta sulmuar xhaminë. Sidoqoftë, njëherë për njëherë ambientet e xhamisë mbeten të mbyllura”.
Ngjashëm shprehet edhe kryetari i Bashkësisë Islame Shqiptare të Flumsit, Arben Sylejmani. Ai për “albinfo” thotë se qendra kulturore bashkë me faltoren janë ngritur këtu që nga viti 1993 dhe kurrë nuk ka pasur probleme me qytetarët ose me komunën.
“Po ashtu asnjëherë nuk kanë ndodhur konflikte brenda ambienteve tona. Ka qenë ambient paqësor dhe i qetë, kështu që është e pakuptueshme që të ndodhë diçka e tillë. Mbrëmë deri vonë të rinjtë kanë qëndruar në lokalet e xhamisë, ku kanë shikuar futboll dhe kanë qeshur e kanë luajtur”, përfundon Sylejmani.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30