AGIM GASHI:ME JU KRENOHET SOT KOSOVA

nga **Agim Gashi** Wed Dec 10, 2014 11:39 pm

AGIM GASHI:ME JU KRENOHET SOT KOSOVA

Sot e mora në dorë sharkinë
Dy tri fjalë me i këndue,
Motra e vllëzë rugovianë
Me pak rreshta mé-i falenderue.

Më nantë dhetor në Prishtinë
U votue nji Qeveri,
Ma mire ka qenë me i pre gishtat
Se me i ngritë për mafi.

Po në atë grumbull njerz të shitur
Që i thane të keqës, po,
Dolen trimneshat edhe trimat,
I kanë thane mafiozëve, jo.

Po ja nisi nga Alma Lama
Vashë shqiptare, trimërie,
Lule e bukur arbërore,
Pak Dardane e pak Shqipërie.

Anton Quni burrë i rrallë
Çdo beteje i ban ballë,
S'u nënshtrove kurrë për pushtete
Hero ishe e hero mbete!

N´Karadak e lindi nana
Trimni t´u ja përkund djepin,
Falenderoj me këto vardhe
Rugovistin Fatmir Rexhepin.

Me plagë lufte Adem Salihaj,
I tradhtuem nga miqtë e tij,
Por s´ju tremb syni as zemra
Për atdhe e për liri.

Vjosa Osmani e vendosun
Vashë shqiptare e burrnore,
Se tradhëton jo idealin
As traditën shekullore.

Dukagjinasi Armend Zemaj
Djal shqiptar, lulja e trimit,
T´u i ndjt besnik atdheut
Përtrin vepren e Tahirit.

Arben Gashi o Gashi i gurit,
Kështu veprohet për atdhe,
Do të kesh respect kudo
Simbol trimëri je për ne.

Ma e vogla e ma e bukura
Lule Arbëri e Ilirisë,
Përtrihet bima e Enver Malokut,
Dëshmorit t´popullit e Demokracisë.

Doruntina e ardhmërisë
E vendosun në gjeneratë,
Vetëm kështu me sjelljet tua
Do të kemi ardhmëni të artë.

Ju gra e burra të atdheut
Jeni simbolet e Kosovës,
Sot me Ju në Velani,
I shëndrit varri Ibrahim Rugoves.

Me gjithë zemër ju falemnderit
Ju më t´mirët për mirësi,
Jeni shpresa e atdheut
Për liri, paqë e demokraci.

10.12.14
Düren

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30