Përleshje mes policëve, i nxorën revolet nga brezi

nga **Agim Gashi** Tue Dec 30, 2014 10:25 pm

Përleshje mes policëve, i nxorën revolet nga brezi

Tre pjesëtarë të Policisë së Kosovës, njëri prej tyre me gradën rreshter nga njësitë patrulluese dhe ato të trafikut, janë grindur mes vete të hënën që shkoi, pasi dolën në vendin e ngjarjes për një aksident rrugor, shkruan GazetaJNK. Grindja me fjalë dhe shtyrje mund të përfundonte keq, sikur të mos ndërhynin qytetarët e rastit, për të parandaluar më të keqen, pasi dy nga policët nxorën prej brezit edhe armët zyrtare. Policia po e fsheh rastin e ndodhur më 16 shtator, ndërsa të përfshirët në të janë suspenduar për 48 orë. Ata janë kthyer në punë, por po hetohen nga Inspektorati Policor i Kosovës.
Sipas dëshmitarëve, duke iu përgjigjur thirrjes për një aksident trafiku, pas disa minutash në vend të ngjarjes erdhi një patrullë e njësive patrulluese të policisë. Patrullat e tilla janë të parat që reagojnë për të qetësuar të përfshirët në aksidente dhe për të siguruar vendin e aksidentit.
Patrulla erdhi nga njësitë e policisë së Shtimes, ndërsa menjëherë një pjesëtar i saj, rreshteri Naim Rexha thirri njësinë e trafikut për t’i bërë matjet e aksidentit. Ai ishte aty me një koleg të tijin.
Dëshmitari Isa Dreshaj tregon se patrulla e policisë së trafikut është vonuar më shumë se një orë e gjysmë, ndërsa kur ka ardhur ia ka zënë rrugën makinës me të cilën policët nga Shtimja kishin udhëtuar drejt vendit të aksidentit.
Dreshaj tregon se Rexha u ka kërkuar policëve të trafikut që ta lirojnë rrugën, por ata e kanë fyer, duke i thënë: “Kush je ti me na urdhëru neve”.
Sipas dëshmitarit, në fjalosje e sipër njëri nga policët e trafikut e ka goditur rreshterin Rexha me një bllok shënimesh. Të dy policët e trafikut pastaj kanë nxjerrë revolet zyrtare nga brezi.
Ngjarjen e rëndë thuajse me të njëjtat fjalë e përshkruan edhe Shaqir Jetullahu që si Dreshaj qëlloi aty ku policët deshën gati të vriten mes veti.
“Kur kanë ardhë mas dy ore ata [policët e trafikut], e kanë parku veturën në mes të rrugës. Polici i Shtimes u ka kërku me ua liru rrugën dhe aty i kanë shti fjalët”, thotë Jetullahu.
Ai tregon se pas fjalosjes, ka pasur edhe shtyrje mes të përfshirëve në grindje, ndërsa pas shtyrjes, polici i trafikut ka nxjerrë revolen nga brezi, shkruan ndër të tjera për rastin, GazetaJNK.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30