700 mijë persona homazh për 17 viktimat e atentateve terroriste

nga **Agim Gashi** Sat Jan 10, 2015 11:23 pm

700 mijë persona homazh për 17 viktimat e atentateve terroriste

Të paktën 700 000 persona manifestuan sot në të gjithë Francën në kujtim të 17 viktimave të sulmeve terroriste që tronditën vendin gjatë katër ditëve të fundit, deklaroi sot ministri i Brendshëm francez, Bernard Cazeneuve..

Këto manifestime i paraprijnë atij të nesërmit të parashikuar në Paris me pjesëmarrjen edhe të presidentit François Hollande dhe të liderëve të tjerë evropianë.
Manifestimi më i madh deri tani është ai i Tuluzës me më shumë se 80 000 persona.
”Jam kundër racizmit!” dhe ”Jam për laicitetin!” ishin dy nga parrullat e para më shpesh mes manifestuesve.
Në Nantë u grumbulluan të paktën 30 000 persona me një pankartë të madhe ku shkruhej ”Të jetojmë së bashku, të lirë, të barabartë dhe solidarë!”.
Dhjetëra mijëra persona manifestuan sot edhe në disa qytete të tjera në kujtim të viktimave të sulmeve terroriste.
Në Pau, në juglindje, të paktën 30 000 persona janë mbledhur për një tubim të heshtur.
Në Orleans, në pjesën qendrore te vendit, bëhet fjalë për 22 000 persona, ndërkohë që në Nisë, në juglindje, të paktën 23 000 manifestues janë mbledhur deri tani, sipas burimeve policore.
”Kemi të bëjmë me një lëvizje të jashtëzakonshme popullore”, tha një prej organizatorëve.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30