Syriza triumfon në Greqi, rreth 100 mijë shqiptarë patën të drejtë vote

nga **Agim Gashi** Sun Jan 25, 2015 11:49 pm

Syriza triumfon në Greqi, rreth 100 mijë shqiptarë patën të drejtë vote

Sondazhet e para të publikuara në Greqi, i japin SYRIZA-s së Alexit Tsipras një fitore të thellë, me një diferencë të thellë

Menjëherë pas mbylljes së procesit të votimit, në orën 19.00 me orën greke (ora 18.00 orën tonë) janë publikuar exit pollet e para. Kështu sipas shifrave të shpërndara nga Euroneës: SYRIZA e udhëhequr nga Alexis Tsipras ka marrë 35-39 % të votave, një diferencë mjaft e madhe nga Demokracia e Re, e kryeministrit në detyrë Antonios Samaras, e cila ka marrë 23-27% të votave. Në vendin e tretë janë Agimi i Artë dhe partia Potami me 6.4 - 8 %. Po sipas këtyre exit polleve, PASOK ka marrë 4.2-5.2% të votave.

Sipas sondazheve, Syriza do të jetë partia fituese, e cila ka për qëllim të formojë qeverinë e parë në eurozonë, që do të angazhohet hapur për anulimin e masave shtrënguese të programit të ndihmës. Sipas Exit Poll-eve Syriza mund të marrë nga 146-158 mandate në parlament të mjaftueshme për të formuar shumicën e thjeshtë në parlamentin prej 300 vendesh. Maxhoranca absolute është me 151 deputetë. Lideri i SYRIZA-s, Alexis Tsipras, ka deklaruar sot ndërsa po votonte se “Sot bëhet historia, do të rifitojmë demokracinë”.

Rezultatet zyrtare do të nisin të shpërndahen prej orës 20.30, bëri të ditur Ministria e Brendshme, e cila është në krye të organizimit të procesit të votimit. Përveç dy incidenteve të vogla, procesi i votimit ka kaluar qetë dhe pa probleme. Në orët e fundit të votimit, sipas mediave greke, partia ‘Demokracia e Re’ e Antonis Samaras ka thënë se do të kërkojë një hetim gjyqësor mbi postimet e sondazheve, të publikuara të internet.

Rezultatet e Exit Polleve:

SYRIZA 33,5-37,5%

Demokracia e Re 25-28%

Agimi I Artë ,5-7,5%

Lumi 5-7%

PASOK 4-6%

Partia Komuniste 4,5-6,5%

Grekët e Pavarur 3,5-4,5%

Lëvizja Social Demokrate 2,2-3,2%

Partitë e tjera 7,3-9,3%
Rreth 100 mijë shqiptarë, pjesë të zgjedhjeve në Greqi

Rreth 100 mijë shqiptarë do të jenë pjesë e zgjedhjeve për Parlamentin e ri në Greqi. Kështu deklaroi Ambasadori Shqiptar në Greqi, Dashnor Dervishi, i cili në një prononcim për një media vizive, theksoi se zgjedhjet kuvendore në shtetin fqinj, janë të qeta, ndërsa foli dhe për pjesëmarrjen e shqiptarëve.

“ Zgjedhjet kanë nisur rreth orës 7:00’ të mëngjesit dhe deri më tani nuk ka pasur asnjë incident. Koha është favorshme për qytetarët që kërkojnë të marrin pjesë në votime. Sipas informacioneve që kemi, rreth 100 mijë shqiptarë kanë të drejtë të votojnë dhe kjo mjaft e rëndësishme”, vlerësoi Dervishi.

Ai gjithashtu bëri të ditur se në këto zgjedhje ka dhe kandidatë shqiptarë dhe votimi i shqiptarëve do të ndikonte në dëgjimin e zërit tonë në kuvendin Grek. Procesi zgjedhor në Greqi është çelur në orën 7:00’ dhe pritet të mbyllet në orën 19:00’. Në këto zgjedhje janë thirrur për të votuar 9 808 760 persona, ndërkohë që numërohen 19 449 qendra votimi./Shekulli/

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30