Holland paralajmëron se nëse dështojnë bisedimet, shpërthen lufta

nga **Agim Gashi** Sat Feb 07, 2015 9:11 pm

Holland paralajmëron se nëse dështojnë bisedimet, shpërthen lufta

Liderët e Rusisë, Francës dhe Gjermanisë, gjatë bisediemve në Moskë u pajtuan që të punojnë mbi një plan paqësor për konfliktin në lindje të Ukrainës. Presidenti francez, Frasoa Holland paralajmëroi se “plani është shansi i fundit për tu dhënë fund luftimeve në Ukrainë“.
Presidenti rus Vlladimir Putin, ai francez Fransoa Holland dhe kancelarja e Gjermanisë Angela Merkel i përshkruanë bisedimet e mbrëmshme në Moskë si “konstruktive”. Presidenti francez Fransoa Holland tha se plani paqësor i propozuar nga ai dhe kancelarja Merkel për krizën në Ukraninë është shansi i fundit për tu dhënë fund luftimeve në lindje të këtij vendi.
Kancelarja Merkel tha ndërkaq se “nuk dihet ende nëse plani do të ketë sukses, por që përpjekjet gjithsesi se janë të vlefshme. Ata do të diskutojnë rreth planit përmes telefonit edhe me presidentin e Ukrainës Petro Poroshenkon.
Pak detaje të planit janë zbuluar, por besohet se ai synon ta rikthej në fuqi armpushimin e shtatorit, të nënshkruar në Minsk të Bjellorusisë. Që nga atëherë rebelët kanë avancuar kundrejt forcave qeveritare duke alarmuar kështu Kievin dhe mbështetësit e Ukrainës.
Përpjekjet diplomatike për zgjidhjen e krizës në Ukrainë po vazhdojnë sot edhe në konferencën e sigurisë ndërkombëtare në Mynih të Gjermanisë.
Duke folur në këtë konferencë, ministri i jashtëm rus Sergej Lavrov tha se shpreson sinqerisht se plani i fundit do të ketë rezultate pozitive.
Ndërkohë, Holland parlajmëroi se pasojat e vazhdimit të luftimeve janë serioze.
“Nëse nuk arrijmë një marrëveshje paqësore afatgjatë, atëherë skenari është shumë i qartë dhe quhet luftë“, tha Holland.
Ndërsa Merkel i tha konferencës se deri sa nuk ka garantues se përpjekjet e fundit diplomatike do të kenë sukses, është esenciale përpjekja për arritjen e një marrëveshjeje paqësore. “Besojë se u jemi borxhlinjë të prekurve nga konflikti në Ukrainë“, tha Merkel.
Gjithsesi ajo mbrojti fuqishëm kundërshtimin e saj për idenë e dërgimit të armëve në Ukrainë, veprim ky që është duke u konsideruar nga Uashingtoni.
Sipas këndvështimit të saj, asnj sasi armësh nuk do ta bind Putinin se Rusia do të humbas ushtarakisht. “Sa më shumë armë që të ketë“, insistoi Merkel “do të dërgonin në më shumë viktima”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30