“Zoti nuk krijoi universin” sipas Hawking

nga **Agim Gashi** Mon Feb 09, 2015 12:53 am

“Zoti nuk krijoi universin” sipas Hawking

Universi nuk u krijua nga Zoti por nga fizika thotë profesori Stephen Hawking në librin e tij të ri që publikohet në fund të këtij muaji. Shkencëtari beson se “Shpërthimi Fillestar” i cili krijoi universin u shkaktua nga rregullat e fizikes duke jo nga shpjegimet e besimeve fetare të trashëguara.

Ne librin e tij “Skica e Madhe”, pjese nga i cili janë botuar sot edhe dje, shkencëtari arrin në përfundimin se: ‘Për arsyen e ekzistencës së një ligji të tillë si graviteti, universi mundet dhe krijon vetveten nga hiçi’. Krijimi spontan është arsyeja që ne kemi diçka në vend të asgjëje, kjo pra është arsyeja përse universi ekziston, pse ne ekzistojmë.

Ky libër është shkruar ne bashkëpunim me bashke-autorin fizikant Leonard Mlodinow dhe ka pikësynim të kontestoje besimin fillestar të argumentuar nga Zotni Issac Newton se, "për vetë arsyen se universi nuk mund te vet-krijohej nga kaosi, atëherë ai duhet të ketë qenë i parashikuar dhe rregulluar nga Zoti."
Ai gjithashtu thotë se zbulimi i një planeti që qarkon në orbitë një yll tjetër përveç diellit krijon një koincidence jashtë ekzistencës rregullore planetare, duke nënkuptuar që kombinimi Toke-Diell është shumë herë më pak i jashtëzakonshëm se sa i paramenduar më parë, gjithashtu dhe më pak bindëse si provë që Toka ishte para-caktuar për njerëzit.

Profesori Hawking e len të hapur mundësinë e jetës në planetë dhe universe të tjerë krejt të panjohur. Fizika teorike e njohur gjithashtu si Teoria-M mund të jetë çelsi zgjidhës që mund të shpjegoje gjithçka në universin e njohur, thotë Hawking, duke shtuar që kjo është teoria e unifikuar që Einstein po shpresonte të zbulonte.
Profesori Hawking ka folur hapur shpesh herë në muajt e fundit për një numër çështjesh. Në Prill ai argumentoi se ishte tërësisht e arsyeshme që të mendohet se jetë të tjera inteligjente ekzistojnë diku tjetër në univers.

http://www.reuters.com/article/idUSTRE6816EI20100902(link is external)

nga **Agim Gashi** Mon Feb 09, 2015 12:56 am

“Udhëtim” brenda trurit të një shkencëtari

Shkencëtari britanik, Stephen Hawking ia ka ‘ofruar’ trurin e tij shkencës për një eksperiment avangardë mbi leximin e mendjes

“Zoti nuk krijoi universin” sipas Hawking Stephen-howking

Imagjinoni që me anë të kompjuterit të arrini të hyni në trurin e një shkencëtari të madh për të kuptuar sekretet e dijes dhe njohurive të tij. Nuk bëhet fjalë për skenarin e një filmi fantashkencë, por për një eksperiment shkencor të sofistikuar në fushën e neurologjisë që ka për protagonist fizikanin dhe kozmologun e njohur britanik, Stephen Hawking.

Të navigosh mes valëve cerebrale

Shtatëdhjetëvjeçari Hawking, prej kohësh e ka të pamundur të lëvizë, për shkak të një forme të rëndë të atrofisë muskulare progresive, e cila për mbi 30 vjet e ka privuar edhe nga aftësia për të folur.
Që nga fillimi i viteve ’80, shkencëtari komunikon vetëm me ndihmën e një kompjuteri, por përkeqësimi i gjendjes së tij është duke e privuar edhe nga kjo mundësi. Për këtë arsye, prej disa kohësh ai është duke bashkëpunuar me shkencëtarin Philip Low, profesor në Stanford University dhe shpikësi i programit ‘iBrain’, një lloj skaneri special i aftë që të masë dhe të regjistrojë aktivitetin e trurit.
“Ne synojmë të hyjmë në trurin e Hawking në formën e hacker-it, – shpjegon studiuyesi, – projekti që do t’i paraqitet komunitetit shkencor muajin e ardhshëm është ende në fazën fillestare, por synimi i tij është leximi i mendjes së njeriut”.

“Vjedhje” elektronike e ideve

Tani për tani, Hawking ka mësuar të kontrollojë valët e trurit të tij, duke krijuar impulse shumë të thjeshta që shfaqen me anë të lëvizjes së një dore apo një këmbe. ‘IBrain’ identifikon këto impulse në mes të gjithë pjesës tjetër të aktivitetit elektrik të trurit dhe i tregon ato në një monitor.
“Rruga është ende e gjatë, por duket premtuese; në të ardhmen, sistemet e ngjashme mund të lejojnë njohjen e modeleve më komplekse elektrike, duke i përkthyer ato në fjalë apo imazhe. Në këtë mënyrë, mund të arrihet të ndihmohen ata që vuajnë nga sëmundje degjenerative të krahasueshme me atë të Hawking, por edhe nga depresioni, autizmi dhe probleme me komunikimin. Është një fushë interesante e kërkimit: për herë të parë na lejon të hapim një ‘dritare’ për të parë brenda në trurin e njeriut”, – përfundoi Low.

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30